தேவி ஸ்ரீ பிரசாத் ஹீரோவாக அறிமுகமாகும் ‘எல்லம்மா’ ரிலீஸ் தேதி அறிவிப்பு

தசரா பண்டிகையை முன்னிட்டு, ராக்ஸ்டார் தேவி ஸ்ரீ பிரசாத் கதாநாயகனாக நடிக்கும் ‘எல்லம்மா’ திரைப்படத்தின் உலகளாவிய திரையரங்கு வெளியீட்டுத் தேதியைப் படக்குழு அதிகாரப்பூர்வமாக அறிவித்துள்ளது. அதன்படி, இப்படம் 2027-ம் ஆண்டு மார்ச் 5-ம் தேதி உலகம் முழுவதும் திரையரங்குகளில் வெளியாகவுள்ளது.

‘பலேகம்’ திரைப்படத்தின் மூலம் கவனம் ஈர்த்த இயக்குநர் வேணு யெல்தண்டி இப்படத்தை இயக்குகிறார். தற்போது இப்படத்தின் படப்பிடிப்பு விறுவிறுப்பாக நடைபெற்று வருகிறது.

தில்ராஜு வழங்க, சிரிஷ் தயாரிப்பில் ஸ்ரீ வெங்கடேஸ்வரா கிரியேஷன்ஸ் நிறுவனத்தின் சார்பில் ‘எல்லம்மா’ திரைப்படம் உருவாகி வருகிறது. இப்படத்திற்கு தேவி ஸ்ரீ பிரசாத் இசையமைக்கிறார்.

பிரம்மாண்டமான பான் இந்தியத் திரைப்படமாக உருவாகும் ‘எல்லம்மா’, தெலுங்கு, தமிழ், இந்தி, மலையாளம் மற்றும் கன்னடம் என ஐந்து மொழிகளில் வெளியாகவுள்ளது.

படத்தின் வெளியீட்டுத் தேதி அறிவிக்கப்பட்டுள்ள நிலையில், தேவி ஸ்ரீ பிரசாத் கதாநாயகனாக அறிமுகமாகும் இந்தப் படத்தின் மீதான எதிர்பார்ப்பு ரசிகர்கள் மத்தியில் அதிகரித்துள்ளது.