பெண்களுக்கு இலவச பட்டுப்புடவை திட்டம்.. நடிகர் ராகவா லாரன்ஸ் அறிவிப்பு

நடிகரும் நடன இயக்குநருமான ராகவா லாரன்ஸ், தனது லாரன்ஸ் அறக்கட்டளை சார்பில் 5,000 பெண்களுக்கு பட்டுப்புடவை வழங்கும் புதிய திட்டத்தை அறிவித்துள்ளார். தனது பிறந்தநாளான அக்டோபர் 29-ம் தேதி, தான் வளர்ந்த ராயபுரத்தில் இத்திட்டத்தைத் தொடங்கி வைக்க உள்ளதாக அவர் தெரிவித்துள்ளார்.

லாரன்ஸ் அறக்கட்டளை தனது 20 ஆண்டுகால சேவையை நிறைவு செய்துள்ள நிலையில், இந்தப் புதிய சமூகநலத் திட்டம் அறிவிக்கப்பட்டுள்ளது. கடந்த இரண்டு தசாப்தங்களாகக் குழந்தைகளின் கல்வி, இதய அறுவை சிகிச்சைகளுக்கான உதவி, மாற்றுத்திறனாளிகளுக்கு ஆதரவு, ஏழை எளிய மக்களுக்கு உணவு வழங்குதல் உள்ளிட்ட பல்வேறு நற்பணிகளை இந்த அறக்கட்டளை மேற்கொண்டு வருகிறது.

இந்தப் பட்டுப்புடவை வழங்கும் திட்டம் உருவானதற்கான காரணத்தையும் ராகவா லாரன்ஸ் பகிர்ந்துள்ளார். தேவையுள்ள மக்களுக்கு உதவுவதற்காகச் சென்றிருந்தபோது, பெண் ஒருவர் தமக்கு அழகான பட்டுப்புடவை வேண்டும் என்று கடிதம் மூலம் கோரிக்கை வைத்ததாக அவர் தெரிவித்துள்ளார்.

அந்தக் கடிதம் தன்னைச் சிந்திக்க வைத்ததாகக் குறிப்பிட்டுள்ள ராகவா லாரன்ஸ், கிராமப்புறங்களில் வாழும் எத்தனையோ பெண்கள் தங்கள் வாழ்நாளில் ஒரு பட்டுப்புடவையைக்கூடப் பார்த்திருக்கவோ, அணிந்திருக்கவோ வாய்ப்பின்றி இருக்கலாம் எனத் தோன்றியதாகக் கூறியுள்ளார்.

இதன் அடிப்படையில், முதற்கட்டமாக 5,000 பெண்களுக்கு பட்டுப்புடவைகள் வழங்கத் திட்டமிட்டுள்ளார். பெண்களின் முகத்தில் மகிழ்ச்சியை ஏற்படுத்துவதுடன், அவர்களின் அன்பையும் ஆசியையும் பெறுவதே இந்த முயற்சியின் நோக்கம் என்றும் தெரிவித்துள்ளார்.

தனது பிறந்தநாளில் தான் வளர்ந்த ராயபுரத்தில் இந்தத் திட்டத்தைத் தொடங்குவது கூடுதல் மகிழ்ச்சியளிப்பதாகக் குறிப்பிட்டுள்ள ராகவா லாரன்ஸ், இம்முயற்சிக்கு அனைவரின் ஆசிகளையும் ஆதரவையும் கோரியுள்ளார்.

தனது அறக்கட்டளையின் 20 ஆண்டுகால சேவையைத் தொடர்ந்து, பெண்களின் மகிழ்ச்சியை மையமாகக் கொண்டு ராகவா லாரன்ஸ் அறிவித்துள்ள இந்தப் புதிய முன்னெடுப்பு கவனம் பெற்றுள்ளது.

Larencce Charitable Trust – The Pattu Saree Scheme 🙏🏼

As Larencce Charitable Trust proudly completes 20 years of service, I’m happy to announce a new initiative – The Pattu Saree Scheme.

Over the past 20 years, our trust has undertaken several initiatives, supporting children’s education, heart surgeries, people with physical disabilities, food distribution, and many other causes.

During one of my visits to serve those in need, a woman approached me and handed me a letter requesting a beautiful pattu saree of her own. After reading her letter, I began to think how many other women in rural areas had never had the opportunity to see or wear a pattu saree in their lifetime. So I’ll be starting with 5000 sarees.

This initiative comes from a simple thought to bring joy to their faces and receive the blessings of all the mothers. ❤️

On my birthday, October 29, I will be launching this initiative in Royapuram, the place where I grew up.

I need all your blessings and support for this new initiative. 🙏🏼

#Serviceisgod

— Raghava Lawrence (@offl_Lawrence) October 18, 2026