பவர் ஹவுஸ் பிக்சர்ஸ் தயாரிப்பில், அறிமுக இயக்குநர் ஹரிஷ் துரைராஜ் எழுதி இயக்கும் புதிய ஃபேமிலி எண்டர்டெயினர் திரைப்படம் இன்று பூஜையுடன் இனிதே துவங்கியது.
இத்திரைப்படத்தில் முன்னணி இளம் நடிகர் அர்ஜுன் தாஸ், மலையாள நடிகை அன்னா பென், நகைச்சுவை நடிகர் யோகிபாபு, மற்றும் வடிவுக்கரசி முக்கிய கதாபாத்திரங்களில் நடிக்கின்றனர். இந்த நால்வரையும் மையப்படுத்தியே முழு கதை நகரும் என படக்குழு தெரிவித்துள்ளது.
புதுமையான களம், குடும்பம் முழுவதும் ரசிக்கும் வகையிலான கமர்ஷியல் அம்சங்கள், உணர்ச்சி மற்றும் நகைச்சுவை கலந்த படைப்பாக இந்த படம் உருவாக இருக்கிறது.
பூஜை நிகழ்ச்சிக்குப் பின், படம் சென்னை, மங்களூர், மும்பை உள்ளிட்ட நகரங்களில் ஒரே கட்டமாக படமாக்கப்படும்.
தமிழ் சினிமாவில் தொடர்ச்சியாக வெற்றிப்படங்களுக்கு இசையமைத்து வரும் ஷான் ரோல்டன் இந்த படத்திற்கும் இசையமைக்கிறார்.
படத்தின் தலைப்பு மற்றும் பிற தகவல்கள் விரைவில் அதிகாரப்பூர்வமாக அறிவிக்கப்படவுள்ளன.