வீட்டுக்குள் தியேட்டரான ஓடிடியில், இந்த வாரம் ரிலீஸாகும் திரைப்படங்கள் இதோ..

வீட்டுக்குள் தியேட்டர் வந்து விட்டது ஓடிடி வடிவில் என்றால் மிகையல்ல. அவ்வகையில் ஓடிடியில் திரைப்படம் பார்ப்பவர்கள் எண்ணிக்கையும் அதிகரித்து வருகிறது.

அதனால், ஒவ்வொரு வாரமும் ஓடிடி தளங்களில் புதிய படங்கள் வெளியிடப்பட்டு வருகின்றன.

இந்நிலையில், இந்த வாரம் என்னென்ன பபடங்கள் ரிலீஸ் ஆகவிருக்கின்றன என்பது குறித்து பார்க்கலாம்.. வாங்க..

மெய்யழகன் :

’96’ பட புகழ் பிரேம்குமார் இயக்கத்தில் கார்த்தி நடிப்பில் வெளியாகி வரவேற்பை பெற்றது ‘மெய்யழகன்’. பீல்குட் படமாக ரிலீசாகி ரசிகர்கள் மத்தியில் அமோகமான வரவேற்பை பெற்றது. இப்படம் வரும் அக்டோபர் 25 ஆம் தேதி நெட்பிளிகஸ் ஓடிடி தளத்தில் ரிலீஸ் ஆகவுள்ளது.

தமிழ் மட்டுமல்லாமல் மலையாளம், தெலுங்கு, கன்னடம் மற்றும் இந்தி ஆகிய மொழிகளில் வெளியிடப்படுகிறது .

கடைசி உலகப் போர் :

ஹிப் ஹாப் ஆதி நடிப்பில் கடந்த செப்டம்பர் 20 ஆம் தேதி திரையரங்குகளில் வெளியானது ‘கடைசி உலகப் போர்’. அனகா, நாசர், நட்டி நடராஜ், சிங்கம்புலி உள்ளிட்டோர் நடிப்பில் ரிலீசான இப்படத்தை ஹிப் ஹாப் ஆதி தயாரித்து இயக்கியிருந்தார்.

இந்நிலையில் ‘கடைசி உலகப் போர்’ படம் அமேசான் ப்ரைம் மற்றும் டெண்டுகோட்டா ஆகிய ஓடிடி தளங்களில் இந்த வாரம் வெளியாகிறது.

கோழிப்பண்ணை செல்லத்துரை :

சீனு இராமசாமி இயக்கத்தில் கடந்த செப்டம்பர் 18 ஆம் தேதி திரையரங்குகளில் ரிலீஸ் ஆனது ‘கோழிப்பண்ணை செல்லத்துரை’. இப்படம் சிம்ப்ளி சவுத் ஓடிடியில் வெளியாகிறது.

அதேபோல், விஜய் ஆண்டனி நடிப்பில் கடந்த செப்டம்பர் 27ஆம் தேதி திரையரங்கில் வெளியானது ‘ஹிட்லர்’. இப்படம் அமேசான் பிரைம் மற்றும் சிம்ப்ளி சவுத் ஆகிய இரண்டு ஓடிடி தளங்களில் வெளியாகிறது.

லப்பர் பந்து :

ரசிகர்களின் நீண்ட எதிர்பார்ப்பில் உள்ள ‘லப்பர் பந்து’ தீபாவளி ரிலீசாக ஓடிடியில் வெளியாக இருக்கிறது.

அட்டக்கத்தி தினேஷ், ஹரிஸ் கல்யாண் நடிப்பில் ரிலீசாகி அமோக வரவேற்பை பெற்றது ‘லப்பர் பந்து’. கடந்த அக்டோபர் 18ம் தேதியே வெளியாகவிருந்த இப்படத்தின் ஓடிடி ரிலீஸ் தள்ளி வைக்கப்பட்டது.

இந்நிலையில் ‘லப்பர் பந்து’ படம் வரும் 31 ஆம் தேதி டிஸ்னி பிளஸ் ஹாட்ஸ்டார் ஓடிடி தளத்தில் வெளியாகவுள்ளது குறிப்பிடத்தக்கது.

வேறென்ன.. தீபாவளி ஸ்டார்ட் ஆகிடுச்சு..