50-வது பிறந்தநாளை முன்னிட்டு தாய்மார்களுக்கு ‘பட்டுசேலை’ வழங்கிய நடிகர் ராகவா லாரன்ஸ்

நடிகரும் இயக்குநருமான ராகவா லாரன்ஸ், தனது பிறந்தநாளை முன்னிட்டு ராயபுரம் பகுதி மக்களுக்கு இலவசமாகப் பட்டுப்புடவைகளை வழங்கி நெகிழ்ச்சியை ஏற்படுத்தியுள்ளார்.

ராகவா லாரன்ஸ் நடத்தி வரும் ‘லாரன்ஸ் அறக்கட்டளை’ 20 ஆண்டுகளை நிறைவு செய்துள்ள நிலையில், ஏழைத் தாய்மார்களுக்கு இலவசமாகப் பட்டுப்புடவைகள் வழங்கும் புதிய அறப்பணியைத் தொடங்குவதாக அவர் ஏற்கெனவே அறிவித்திருந்தார். ‘பட்டுப்புடவை வழங்கும் திட்டம்’ எனப் பெயரிடப்பட்டுள்ள இந்தத் திட்டத்தின் மூலம், பொருளாதாரத்தில் பின்தங்கிய தாய்மார்களுக்கு உதவ அவர் திட்டமிட்டுள்ளார்.

அதன்படி, இன்று (அக்டோபர் 29) தனது பிறந்தநாளை முன்னிட்டு, இத்திட்டத்தைத் தொடங்கிய ராகவா லாரன்ஸ், முதற்கட்டமாக ராயபுரம் பகுதியைச் சேர்ந்த பெண்களுக்குப் பட்டுப்புடவைகளை வழங்கினார்.

மேலும், இந்தத் திட்டத்தின் மூலம் தமிழகம் முழுவதும் உள்ள ஏழை, எளிய தாய்மார்களுக்கும் பட்டுப்புடவைகள் வழங்கப்பட உள்ளதாக அவர் தெரிவித்துள்ளார்.

தனது பிறந்தநாளைச் சமூகப் பணியுடன் கொண்டாடி, ஏழைத் தாய்மார்களுக்கு உதவும் ராகவா லாரன்ஸின் இந்த முயற்சிக்குப் பலரும் பாராட்டுகளைத் தெரிவித்து வருகின்றனர்.

Hi friends and fans,

Today, on my birthday, I’m beginning a new initiative: the Pattu Saree Scheme as I had shared with you all. It gives me so much joy to see smiles on every mother’s face. This is the greatest blessing. With all your blessings, I hope to continue serving people in many more ways.

#Maatram #ServiceIsGod

— Raghava Lawrence (@offl_Lawrence) October 29, 2026