சூர்யாவின் ‘விஸ்வநாத் & சன்ஸ்’ டீசர் வெளியீடு

சூர்யா நடிக்கும் ‘விஸ்வநாத் & சன்ஸ்’ படத்தின் டீசர் வெளியாகியுள்ளது. இயக்குநர் வெங்கி அட்லூரி ஒரு சக்திவாய்ந்த எமோஷனல் டிராமாவை ரசிகர்களுக்கு வழங்க உள்ளார்.

இந்த டீசர் மூலம் சஞ்சய் விஸ்வநாத்தின் உலகத்திற்கு ஒரு சுவாரஸ்யமான பார்வை கிடைக்கிறது. சர்வதேச அளவிலான துப்பாக்கி சுடும் வீரராக சூர்யா அறிமுகமாகிறார். நாற்பது வயதிலும் கனவுகளை துரத்தும் மனிதராக பல அடுக்குகள் கொண்ட கதாபாத்திரத்தில் அவர் நடிக்கிறார். தந்தை உணர்வுகளும், ஆழமான எமோஷன்களும் கலந்த நடிப்பு இந்த டீசரின் ஹைலைட்.

மமிதா பைஜு கதைக்கு புத்துணர்ச்சி சேர்க்கும் விதமாக துடிப்பான மற்றும் வசீகரமான நடிப்பை வழங்குகிறார். வயது வித்தியாசம் கொண்ட ஒரு வித்தியாசமான காதல் கோணம் கதையில் இடம் பெற்றிருப்பதையும் டீசர் சுட்டிக்காட்டுகிறது.

ஜி.வி. பிரகாஷ் குமார் வழங்கிய பின்னணி இசை டீசருக்கு கூடுதல் பலம். நிமிஷ் ரவி ஒளிப்பதிவு காட்சிகளை செழுமையாக்க, நவீன் நூலி எடிட்டிங் அதனை செம்மையாக கட்டுப்படுத்துகிறது. கலை வடிவமைப்பும் படத்தின் தரத்தை உயர்த்துகிறது.

சிதாரா எண்டர்டெயின்மெண்ட்ஸ் மற்றும் ஃபார்ச்சூன் ஃபோர் சினிமாஸ் தயாரிப்பில், ஸ்ரீகரா ஸ்டுடியோஸ் வழங்கும் இந்த படம், படப்பிடிப்பு முடிந்து ஜூலை மாதம் உலகம் முழுவதும் பிரம்மாண்டமாக வெளியாக தயாராகி வருகிறது.