நிதேஷ் திவாரி இயக்கத்தில் பிரம்மாண்டமாக உருவாகி வரும் ‘ராமாயணம்’ திரைப்படத்தின் முதல் பாடலான ‘ஜெய் ஜெய் ராம்’ வெளியாகியுள்ளது. ஏ.ஆர். ரஹ்மான் இசையில், கார்த்திக் நேத்தா வரிகளில், சின்மயி ஸ்ரீபதா மற்றும் ஹரிச்சரண் குரல்களில் இப்பாடல் உருவாகியுள்ளது.
ஸ்ரீ ராமரைப் போற்றும் பக்திப் பாடலாக உருவாகியுள்ள ‘ஜெய் ஜெய் ராம்’, ஆரத்தியின் ஆன்மீகத் தன்மையையும் திரையிசையின் அழகையும் ஒருங்கிணைக்கிறது. ஸ்ரீ ராமரின் கருணை, பாதுகாப்பு மற்றும் தர்மத்தின் மீதான அர்ப்பணிப்பை வெளிப்படுத்தும் வகையில் பாடல் வரிகள் அமைந்துள்ளன. பாடல் முழுவதும் ஒலிக்கும் ‘ஜெய் ஜெய் ராம்’ எனும் திருநாமம் பக்தி உணர்வை அதிகரிக்கிறது.
‘ராமாயணம்’ படத்தின் இசைப் பயணத்தைத் தொடங்கி வைக்கும் இந்த முதல் பாடல், ரசிகர்களுக்கு அமைதியையும் ஆன்மீக உணர்வையும் வழங்கும் வகையில் உருவாக்கப்பட்டுள்ளது.
- Advertisement -
நமித் மல்ஹோத்ரா தயாரிப்பில் உருவாகும் இப்படத்தில் ரன்பீர் கபூர் ஸ்ரீ ராமராகவும், சாய் பல்லவி சீதையாகவும், யஷ் ராவணனாகவும், சன்னி தியோல் அனுமனாகவும், ரவி துபே லட்சுமணனாகவும் நடித்துள்ளனர்.
பிரைம் ஃபோகஸ் ஸ்டுடியோஸ், DNEG மற்றும் யஷின் மான்ஸ்டர் மைண்ட் கிரியேஷன்ஸ் இணைந்து தயாரிக்கும் இப்படத்தை, இந்தியாவைத் தவிர உலகம் முழுவதும் சோனி பிக்சர்ஸ் நிறுவனம் வெளியிடுகிறது.
இரண்டு பாகங்களாக உருவாகும் ‘ராமாயணம்’ திரைப்படத்தின் முதல் பாகம், இந்த ஆண்டு தீபாவளியை முன்னிட்டு திரையரங்குகளில் வெளியாக உள்ளது.