ரஜினி மற்றும் கார்த்தி திரைப்பட தகவல்கள் காண்போம்..
சூப்பர் ஸ்டார் ரஜினிகாந்த் நடிப்பில் லோகேஷ் கனகராஜ் இயக்கும் ‘கூலி’ படத்தின் ஷுட் இறுதிக்கட்டத்தை எட்டியுள்ளது. சன் பிக்சர்ஸ் தயாரிப்பில் அனிருத்தின் இசையில் உருவாகும் இப்படம் ஆகஸ்ட் 14-ந்தேதி வெளியாகிறது.
இந்நிலையில் லோகேஷ் ‘கைதி-2’ படத்தின் பணிகளிலும் இறங்கியுள்ளார். முன்னதாக, கார்த்தி நடிப்பில் ஒரே இரவில் நிகழும் சம்பவங்களாக உருவான ‘கைதி’ படம் ரசிகர்களை மிகவும் ஈர்த்து வெற்றி பெற்றது.
- Advertisement -
இப்படம் மிகப்பெரிய வெற்றியை பெற்ற நிலையில், இதன் இரண்டாம் பாகம் வெளியாக இருப்பதாக சொல்லப்பட்டு வந்தது. ஆனால், லோகேஷிற்கு திடீரென லியோ, கூலி பட வாய்ப்புகள் வந்து விட்டதால், ‘கைதி-2’ படத்தின் வேலைகள் தள்ளிக்கொண்டே சென்றது.
இதையடுத்து கடந்த மாதம் கைதி 2 விரைவில் உருவாக இருப்பதாக அறிவிப்பு வந்தது. கைதி-2 படப்பணிகளை லோகேஷ் தொடங்கி விட்டதாக கூறப்படுகிறது. ரஜினியின் ‘கூலி’ ரிலீஸான உடனே கைதி-2 ஷுட்டிங் நடைபெறும் என எதிர்பார்க்கப்படுகிறது.
‘கைதி’ திரைப்படம் மிகப்பெரிய வெற்றியை மட்டும் பெறாமல் ஒரு டிரெண்ட் செட்டர் படமாகவும் அமைந்து, அப்படத்தின் சாயலில் பல படங்கள் வரத் துவங்கிவிட்டன. அதனால், கைதி-2 படத்தை திரை ஆர்வலர்களும் எதிர்பார்த்துள்ளனர்.