நாளை 234 தொகுதிகளுக்கும் வேட்பாளர்களை அறிவிக்கிறார் விஜய்! நுங்கம்பாக்கத்தில் பிரம்மாண்ட அறிமுக விழா!

By Admin On Mar 28, 2026

தமிழக சட்டப்பேரவைத் தேர்தல் களம் சூடுபிடித்துள்ள நிலையில், தமிழக வெற்றிக் கழகத் தலைவர் விஜய் நாளை ஒரே கட்டமாக தனது கட்சியின் வேட்பாளர்களை அறிமுகம் செய்ய உள்ளார்.

வேட்பாளர்கள் அறிமுகம்: சென்னை நுங்கம்பாக்கத்தில் உள்ள ஒரு தனியார் ஹோட்டலில் நாளை (மார்ச் 29, 2026) இந்த முக்கிய நிகழ்ச்சி நடைபெறுகிறது. இதில் தமிழகத்தின் 234 தொகுதிகளிலும் போட்டியிடும் வேட்பாளர்களின் பட்டியலை விஜய் அதிகாரப்பூர்வமாக வெளியிடுகிறார்.
புதுச்சேரிக்கும் அறிவிப்பு: தமிழகத்தின் 234 தொகுதிகள் மட்டுமின்றி, புதுச்சேரியின் 30 தொகுதிகளுக்கான வேட்பாளர்களையும் சேர்த்து மொத்தம் 264 வேட்பாளர்களை விஜய் இந்த நிகழ்ச்சியில் அறிமுகம் செய்து வைக்கிறார்.
கட்டுப்பாடுகள்: இது ஒரு உள்ளரங்க நிகழ்வாக (Indoor Event) திட்டமிடப்பட்டுள்ளது. பாதுகாப்பு மற்றும் இடவசதி கருதி, கட்சியின் முக்கிய நிர்வாகிகள் மற்றும் அழைப்பாளர்கள் என மொத்தம் 500 பேருக்கு மட்டுமே இந்த நிகழ்ச்சியில் பங்கேற்க அனுமதி வழங்கப்பட்டுள்ளது.
அரசியல் எதிர்பார்ப்பு: ஏற்கனவே அதிமுக, திமுக உள்ளிட்ட கட்சிகள் வேட்பாளர் பட்டியலை வெளியிட்டு வரும் நிலையில், விஜய் தனது கட்சியின் மொத்த வேட்பாளர்களையும் ஒரே மேடையில் அறிமுகம் செய்வது அரசியல் வட்டாரத்தில் பெரும் எதிர்பார்ப்பை ஏற்படுத்தியுள்ளது.