தனுஷின் வாத்தி திரைப்படத்தின் ஆடியோ லான்ச் இன்று கோலாகலமாக நடைபெற உள்ளது.
தென்னிந்திய திரையுலகில் பிரபல முன்னணி நடிகராக வலம் வருபவர் நடிகர் தனுஷ். இவர் தற்போது அருண் மாதேஸ்வரன் இயக்கத்தில் உருவாகும் கேப்டன் மில்லர் திரைப்படத்தில் நடித்து வருகிறார். இதற்கிடையில் தனுஷ் தெலுங்கில் வெங்கி அட்லூரி இயக்கத்தில் உருவாகி இருக்கும் ‘வாத்தி’ திரைப்படத்திலும் நடித்திருக்கிறார்.
தமிழில் ‘வாத்தி’ என்றும் தெலுங்கில் ‘சார்’ என்றும் நேரடியாக வெளியாக இருக்கும் இப்படம் வரும் பிப்ரவரி மாதம் 17ஆம் தேதி வெளியாக உள்ளது. செவன் ஸ்கிரீன் ஸ்டுடியோஸ் நிறுவனம் வழங்க இருக்கும் இப்படத்திற்கு ஜிவி பிரகாஷ் குமார் இசையமைக்க நடிகை சம்யுக்தா மேனன் கதாநாயகியாக நடித்திருக்கிறார்.
அண்மையில் இப்படத்திலிருந்து வெளியான இரண்டு பாடல்களும், போஸ்டர்களும் ரசிகர்கள் மத்தியில் நல்ல வரவேற்பை பெற்றிருந்ததை தொடர்ந்து இப்படத்தின் இசை வெளியீட்டு விழா சென்னையில் உள்ள சாய்ராம் கல்லூரியில் பிப்ரவரி 4 ஆம் தேதியான இன்று பிரம்மாண்டமாக நடைபெற உள்ளது. இதனால் இது தொடர்பான புதிய போஸ்டரை படக்குழு வெளியிட்டுள்ளது. அதனை ரசிகர்கள் உற்சாகத்துடன் வைரலாக்கி வருகின்றனர்.
