பிரபல நடிகர் விஜய் வர்மாவுடன் தமன்னாவுக்கு திருமணம் நடைபெற இருப்பதாக தகவல்கள் வெளியாகி உள்ளன.
தென்னிந்திய சினிமாவில் பிரபல நடிகையாக வலம் வருபவர் தமன்னா. தமிழ் சினிமாவில் அஜித், விஜய், சூர்யா, தனுஷ், சிம்பு என பல நடிகர்களுடன் இணைந்து பல்வேறு படங்களில் நடித்துள்ள இவர் தற்போது கதாநாயகிகளுக்கு முக்கியத்துவம் உள்ள படங்களிலும் நடித்து வருகிறார்.
சமீபத்தில் நடிகை தமன்னா பாலிவுட் நடிகர் விஜய் வர்மாவுடன் பார்ட்டியில் கலந்து கொண்டதும் அவருடன் நெருக்கமாக இருந்த வீடியோவும் சமூக வலைதளங்களில் வைரலானது. இதனால் இருவரும் டேட்டிங் செய்து வருவதாக பேசப்பட்டு வந்த போதிலும் இருவரும் தங்களது உறவு குறித்து எது எதுவும் பேசாமல் இருந்து வருகின்றனர்.
இப்படியான நிலையில் நடிகை தமன்னா இந்த ஆண்டு நடிகர் விஜய் வர்மாவை திருமணம் செய்து கொள்ளப் போவதாக தகவல் வெளியாகி உள்ளது. விரைவில் தமன்னாவின் தரப்பில் இருந்து இது குறித்து அறிவிப்பு வெளியாகும் என சினிமா வட்டாரங்களில் பேசப்பட்டு வருகிறது.