ரஜினியின் ‘ஜெயிலர்-2’ படத்தில் ஷாருக்கான்..
சூப்பர் ஸ்டார் ரஜினிகாந்த் நடிப்பில் நெல்சன் திலீப்குமார் இயக்கி வரும் ‘ஜெயிலர்-2’ படப்பிடிப்பு கோவாவில் நடைபெற்று வருகுறது. இதில் எஸ்.ஜே.சூர்யா, சுராஜ் வெஞ்சரமுடு, ரம்யா கிருஷ்ணன், யோகிபாபு, மேக்னா ராஜ் உள்பட பலர் நடிக்கின்றனர். மோகன்லால், சிவராஜ்குமார் கவுரவ வேடத்தில் நடிக்கின்றனர்.
அனிருத் இசையமைக்கும் இப்படம் அடுத்த வருடம் வெளியாக இருக்கிறது. இந்நிலையில் இந்தி நடிகரான ஷாருக்கானும் ‘ஜெயிலர்-2’ படத்தில் நடிக்க இருப்பதாக கூறப்படுகிறது. முன்னதாக லோகேஷ் கனகராஜ் இயக்கிய ‘கூலி’ படத்தில் நடிக்க ஷாருக்கானிடம் கேட்டதாகவும் சில காரணங்களால் அவர் நடிக்கவில்லை என்றும் கூறப்படுகிறது.
அதனால், அமீர்கான் கவுரவ வேடத்தில் நடித்திருந்தார். இப்போது ‘ஜெயிலர்-2’ படத்தில், ஷாருக்கான் நடிப்பார் என்றும் அவர் தொடர்பான காட்சிகள் மார்ச்சில் படமாகும் என்றும் தகவல்கள் வெளியாகி உள்ளன. இது பற்றிய அதிகாரப்பூர்வ அறிவிப்பு, ரஜினி பிறந்த நாளான வருகிற 12-ந்தேதி வெளியாகலாம் எனவும் அந்நாளில் ‘தலைவர்-173’ பட இயக்குநர் யாரென்ற தகவலும் வரலாம் எனவும் எதிர்பார்க்கப்படுகிறது.
