இப்ப வாடகை வீட்டில் இருப்பதால் ‘3 பிஹெச்கே’ படம் எனக்கு கனெக்ட் ஆகுது: ரவிமோகன் விமர்சனம்..
‘3 பிஹெச்கே’ படம் குறித்து, ரவிமோகன் தெரிவித்த தகவல்கள் பார்ப்போம்..
சித்தார்த் ஹீரோவாக நடிந்துள்ள ‘3 பிஹெச்கே’ படத்தை ஸ்ரீகணேஷ் இயக்கியுள்ளார். இப்படத்தில் சரத்குமார், தேவயானி, யோகிபாபு, மீதா ரகுநாத், சைத்ரா உள்பட பலர் நடித்துள்ளனர். சாந்தி டாக்கீஸ் சார்பில் அருண் விஸ்வா தயாரித்துள்ள இதன் டிரெய்லர் வெளியீட்டு விழா சென்னையில் நடைபெற்றது. இதில் கலந்துகொண்ட ரவி மோகன் பேசும்போது,
‘இந்தப் படத்தைப் பார்த்துவிட்டேன். பாலு மகேந்திராவின் ‘வீடு’ எந்தளவுக்குப் பேசு பொருளாக அமைந்ததோ, அதுபோல இந்தப் படமும் அமையும். நானும் சித்தார்த்தும் ஒன்றாக வளர்ந்தோம். சித்தார்த், எப்போதும் தப்பான படங்கள் செய்ததில்லை. இனியும் அப்படித்தான் இருப்பார். அவருக்கு வாழ்த்துகள்.
நான் பிறந்ததில் இருந்தே வாடகை வீட்டில் இருந்தது இல்லை. சொந்த வீட்டில்தான் இருந்திருக்கிறேன். இப்போது வாடகை வீட்டில் இருப்பதால், என்னால் இந்தக் கதையை தொடர்புப்படுத்திக் கொள்ள முடிந்தது. நல்ல கதைகளையும் படங்களையும் பார்க்க விரும்புவர்களுக்கான சிறந்த படமாக இது இருக்கும்’ என்றார்.
