MS Dhoni fans troll Sachin Tendulkar :
பல கிரிக்கெட் ரசிகர்களின் மந்திரச் சொல் தோனி. இந்த மந்திரச் சொல்லை யார் கலங்கப்படுத்தினாலும் தோனி ரசிகர்களால் பொறுத்துக் கொள்ள முடியாது.
தற்போது ‘மாஸ்டர் பிளாஸ்டர்’ சச்சின் டெண்டுல்கர், தோனியின் ஆட்டம் குறித்து விமர்சித்துள்ளார். இதைப் பொறுத்துக் கொள்ளாத தோனி ரசிகர்கள், சச்சினை வறுத்தெடுத்துள்ளனர்.
2019 உலகக் கோப்பைத் தொடரில் சில நாட்களுக்கு முன்னர் இந்தியா – ஆப்கானிஸ்தான் கிரிக்கெட் அணிகள் மோதின. இந்தப் போட்டியில் இந்தியா போராடி கடைசி ஓவரில் வெற்றி பெற்றது.
முதல் இன்னிங்ஸை விளையாடிய இந்திய அணியின் பேட்ஸ்மேன்கள், ரன் அடிக்கத் திணறினார்கள். தோனி, 52 பந்துகளுக்கு வெறும் 28 ரன்கள் மட்டுமே குவித்தார். இந்த பொறுமையான ஆட்டம் மிகுந்த விமர்சனத்துக்கு உள்ளானது.
தோனி டி-20 போட்டிகளில் இல்லாதது பற்றிய கோலியின் விளக்கம்:
இது குறித்து, ‘இந்தியா டுடே’-விடம் பேசிய சச்சின் டெண்டுல்கர், “ஆப்கானிஸ்தான் போட்டி கொஞ்சம் ஏமாற்றம் அளிக்கிறது. இன்னுமும் நம்மால் சிறப்பாக விளையாடியிருக்க முடியும்.
கேதார் ஜாதவ் மற்றும் தோனிக்கு இடையிலான பார்ட்னர்ஷிப்பில் மிகவும் பொறுமையாக ரன் ஸ்கோர் செய்யப்பட்டது.
34 ஓவர்கள் சுழற்பந்து வீச்சை விளையாடி வெறம் 119 ரன்கள் மட்டுமே எடுத்தோம். அங்கு ஒரு நேர்மறையான அணுகுமுறையே இல்லை” என்று பொங்கினார்.
சச்சினின் இந்த கமென்ட்-க்கு தோனி ரசிகர்கள் மீம்ஸ் உருவாக்கி கேலி செய்ய ஆரம்பித்தனர். சிலர் சச்சின் மற்றும் தோனியின் பயோ-பிக்களை கூட ஒப்பிட்டு கேலி செய்தனர்.