விரைவில் மகா அவதார் பரசுராம்!
ஹோம்பாலே ஃபிலிம்ஸ் நிறுவனத்தின் அடுத்த பிரம்மாண்ட முயற்சியாக ‘மகா அவதார் பரசுராம்’ திரைப்படத்தின் பர்ஸ்ட் லுக், பரசுராம ஜெயந்தியை முன்னிட்டு வெளியிடப்பட்டு பெரும் வரவேற்பைப் பெற்றுள்ளது.
இந்தியாவின் முன்னணி தயாரிப்பு நிறுவனங்களில் ஒன்றாக திகழும் ஹோம்பாலே ஃபிலிம்ஸ், தொடர்ந்து வித்தியாசமான கதைகளையும் பிரம்மாண்டமான திரைப்பயணங்களையும் ரசிகர்களுக்கு வழங்கி வருகிறது. ‘ராஜகுமாரா’, ‘கே.ஜி.எஃப்’, ‘காந்தாரா’, ‘சலார்’, ‘மகா அவதார் நரசிம்மா’ போன்ற வெற்றி படங்களின் வரிசையில், தற்போது புதிய அத்தியாயமாக ‘மகா அவதார் பரசுராம்’ அறிவிக்கப்பட்டுள்ளது.
இயக்குநர் அஷ்வின் குமார் இயக்கத்தில் உருவாகும் இந்தப் படம், க்ளீம் புரொடக்ஷன்ஸ் இணைப்பில் தயாராகிறது. உலகம் முழுவதும் 2027 டிசம்பரில் வெளியாக உள்ளதாக அறிவிக்கப்பட்டுள்ளது.
முன்னதாக ஹோம்பாலே ஃபிலிம்ஸ் தனது லட்சியமான “மகா அவதார் சினிமாடிக் யுனிவர்ஸ்”-ஐ அறிவித்து ரசிகர்களிடையே பெரும் எதிர்பார்ப்பை ஏற்படுத்தியது. அதன் அடுத்த முக்கிய படியாக ‘மகா அவதார் பரசுராம்’ உருவாகி வருகிறது.
அதிநவீன அனிமேஷன் தொழில்நுட்பத்தின் மூலம் உருவாகும் இந்த திரைப்படம், நம் பாரம்பரிய புராண கதைகளையும், விஷ்ணுவின் அவதாரங்களின் சிறப்பையும் புதிய தலைமுறைக்கு காட்சியளவில் அற்புதமாக கொண்டு செல்லும் என படக்குழு தெரிவித்துள்ளது.
பெரும் அளவிலான காட்சிப்பரிமாணம், வலுவான கதைசொல்லல் மற்றும் தொழில்நுட்ப நவீனத்துடன் உருவாகும் இந்த படம், இந்திய சினிமாவில் ஹோம்பாலே ஃபிலிம்ஸ் நிறுவனம் மேலும் ஒரு மைல்கல்லை எட்டும் முயற்சியாக பார்க்கப்படுகிறது.
