மாஸ்டர் பட ரிலீஸ் குறித்த முக்கிய தகவலை வெளியிட்டுள்ளார் மாஸ்டர் பட இயக்குனர் லோகேஷ் கனகராஜ்.
Lokesh Kanagaraj Press Meet About Master : தமிழ் சினிமாவில் மாநகரம், கைதி ஆகிய படங்களை இயக்கி இயக்குனராக அறிமுகமானவர் லோகேஷ் கனகராஜ். இவர் தற்போது தளபதி விஜய்யை வைத்து மாஸ்டர் என்ற திரைப்படத்தை இயக்கியுள்ளார்.
இப்படம் ஏப்ரல் 9ஆம் தேதியில் வெளியாக இருந்த நிலையில் பரவிவரும் குரானா வைரஸ் அச்சுறுத்தல் காரணமாக தியேட்டர்கள் மூடப்பட்டு உள்ளதால் படத்தின் ரிலீஸ் தள்ளிப் போய் வருகிறது.
இந்த நிலையில் தற்போது ஆதரவற்றோர் இல்லத்தில் நலத்திட்ட உதவிகளை செய்த லோகேஷ் கனகராஜ் செய்தியாளர்களை சந்தித்து பேசினார்.
அப்போது மாஸ்டர் திரைப்படம் OTT வழியாக வெளியாக இருப்பதாக தகவல் வெளியானது இது உண்மையா? என கேள்வி எழுப்பினார்.
எங்க ஆட்சியில ஒரு குறையும் சொல்ல முடியல – முதல்வர் பழனிச்சாமி பெருமிதம்
இதற்கு லோகேஷ் கனகராஜ் இது முற்றிலும் பொய். மாஸ்டர் திரைப்படம் தியேட்டர்கள் திறக்கப்பட்டதும் தான் ரிலீஸாகும். அதில் எந்தவித மாற்றுக் கருத்தும் கிடையாது என கூறியுள்ளார்.
மேலும் மாஸ்டர் திரைப்படம் எந்த அளவிற்கு வரவேற்பைப் பெறும் என எதிர்பார்க்கிறீர்கள் என கேட்டதற்கு படம் எப்போது வெளியானாலும் ரசிகர்கள் மத்தியில் நல்ல ரெஸ்பான்ஸ் இருக்கும் என எதிர்பார்ப்பதாக தெரிவித்துள்ளார்.
மாஸ்டர் படத்தில் அரசியல் சார்ந்த காட்சிகள் இடம் பெற்றுள்ளனவா என கேட்டதற்கு பதில் கூற மறுத்துள்ளார். ரசிகர்கள் அனைவரும் ஆவலுடன் எதிர்பார்த்தபடி மாஸ்டர் திரையரங்குகளில் வெளியாகும் என லோகேஷ் கனகராஜ் தெரிவித்திருப்பது விஜய் ரசிகர்களை உற்சாகபடுத்தியுள்ளது.
