ஜூனியர் என்.டி.ஆர் – ஹ்ரித்திக் ரோஷன் இணைந்து நடித்த ஆக்ஷன் திரில்லர் படமான ‘வார் 2’ ஆகஸ்ட் 14-ந்தேதி பான் இந்தியா அளவில் வெளியானது.
இப்படத்தில் ஜூனியர் என்.டி.ஆர் பாலிவுட்டில் அறிமுகமாகிறார், ஹ்ரித்திக் ரோஷன் போன்ற ஒரு முன்னணி நட்சத்திரத்துடன் திரையில் இடம் பெறுகிறார் என்பது டோலிவுட் ரசிகர்களிடையே மிகுந்த ஆர்வத்தை ஏற்படுத்தியது. பெரிய எதிர்பார்ப்புகளுக்கு மத்தியில் வெளியான இப்படம், உலகம் முழுவதும் 85 கோடி முதல் 90 கோடி வரை வசூல் செய்துள்ளதாக கூறப்படுகிறது.
ரஜினிகாந்த் நடித்த ‘கூலி’ படமும் இதே நாளில் உலகம் முழுவதும் வெளியானது. இப்படம் முதல் நாளில் சுமார் 150 கோடி வசூல் செய்துள்ளதாக தகவல்கள் தெரிவிக்கின்றன. இந்நிலையில், வார இறுதி நாட்கள் விடுமுறையாக இருப்பதால், வசூல் மேலும் அதிகரிக்க வாய்ப்புள்ளது.
‘வார் 2’ படத்தைத் தொடர்ந்து, ஜூனியர் என்.டி.ஆர் தொடர்ச்சியாக தனது படங்களை திட்டமிட்டுள்ளார். தற்போது, அவர் பிரசாந்த் நீல் இயக்கத்தில் உருவாகும் அதிரடி ஆக்ஷன் படத்தில் கவனம் செலுத்தி வருகிறார். பிரசாந்த் நீல் படம் முடிந்ததும், தாரக் உடனடியாக ‘தேரன் அதிகாரம் ஒன்று 2’ படப்பிடிப்பில் இணைய வாய்ப்புள்ளது.