நடிகர் சிவகார்த்திகேயன், தென்னிந்திய திரைப்பட எழுத்தாளர்கள் சங்கத்தில் பாடலாசிரியராக இணைந்துள்ளார்.
மரியாதை நிமித்தமாகவும், எழுத்தாளர்கள் சங்கம் சார்பில் நடைபெறவுள்ள விழாவில் சிவகார்த்திகேயன் பங்கேற்பது தொடர்பாகவும், சங்கத் தலைவர் சேரன், பொதுச்செயலாளர் பட்டுக்கோட்டை பிரபாகர், பொருளாளர் சுந்தர்ராஜன், துணைத்தலைவர் சினேகன் மற்றும் செயற்குழு உறுப்பினர்களான இயக்குநர் செல்வபாரதி, இயக்குநர் KBB நவீன் உள்ளிட்டோர் சிவகார்த்திகேயனை சந்தித்தனர்.
- Advertisement -
அப்போது சங்கத்தின் வேண்டுகோளை ஏற்று, பாடலாசிரியராக சிவகார்த்திகேயன் சங்கத்தில் இணைந்துள்ளார். மேலும், சங்கத்தின் செயல்பாடுகள் தொடர்பாக சில ஆலோசனைகளையும் அவர் வழங்கியதாக தெரிவிக்கப்பட்டுள்ளது.
அத்துடன், சங்கம் நடத்தும் விழாவில் பங்கேற்பதாகவும் சிவகார்த்திகேயன் உறுதியளித்துள்ளார். இந்த சந்திப்பை மகிழ்ச்சியுடன் பகிர்ந்துள்ள தென்னிந்திய திரைப்பட எழுத்தாளர்கள் சங்கத்தினர், சிவகார்த்திகேயனின் வருகைக்கு நன்றி தெரிவித்துள்ளனர்.