திரைப்பட இயக்குநர் கரு. பழனியப்பன், சென்னை ஆழ்வார்பேட்டையில் உள்ள திராவிட முன்னேற்றக் கழகத் தலைவர் மற்றும் தமிழ்நாடு முதலமைச்சர் மு.க. ஸ்டாலின் அவர்களின் இல்லத்தில் மரியாதை நிமித்தமாக சந்தித்தார்.
அப்போது, கரு. பழனியப்பன் இயக்கத்தில் உருவாகவுள்ள புதிய திரைப்படமான ‘குக்கர்’ படத்தின் தலைப்பை மு.க. ஸ்டாலின் அவர்கள் அதிகாரப்பூர்வமாக வெளியிட்டார்.
இந்த சந்திப்பு மற்றும் தலைப்பு வெளியீட்டு நிகழ்வு சினிமா வட்டாரங்களில் கவனம் பெற்றுள்ளது. சமூக கருத்துக்களை மையமாகக் கொண்டு பல திரைப்படங்களை இயக்கியுள்ள கரு. பழனியப்பன், தற்போது ‘குக்கர்’ என்ற புதிய படைப்பின் மூலம் ரசிகர்களை சந்திக்கத் தயாராகி வருகிறார்.
இந்நிகழ்வின்போது, திரைப்படத்தின் முக்கிய நடிகரான காளி வெங்கட் மற்றும் ஒளிப்பதிவாளர் ராஜசேகரன் ஆகியோரும் உடனிருந்தனர்.
‘குக்கர்’ திரைப்படம் குறித்த கூடுதல் தகவல்கள் விரைவில் வெளியாகும் என எதிர்பார்க்கப்படுகிறது. படத்தின் தலைப்பு வெளியாகியுள்ள நிலையில், இந்த புதிய கூட்டணியின் படைப்பு ரசிகர்களிடையே ஏற்கனவே ஆர்வத்தை ஏற்படுத்தியுள்ளது.