தயிர் வடை கொடுத்த பள்ளிப் பருவ நினைவுகள்.. கண்கலங்கிய நடிகை சமந்தா

எண்டமோல் ஷைன் இந்தியா தயாரிப்பில் உருவாகியுள்ள ‘செலிபிரிட்டி மாஸ்டர்செஃப் தமிழ்’ நிகழ்ச்சியில், நடிகை சமந்தா ரூத் பிரபு தனது பள்ளிப் பருவ நினைவுகளைப் பகிர்ந்து கொண்டு கண்கலங்கிய தருணம் பார்வையாளர்களை நெகிழச் செய்துள்ளது.

சில உணவுகளின் சுவை, நம்மைக் கடந்து வந்த காலத்திற்கே அழைத்துச் செல்லும் வல்லமை கொண்டது. அப்படியொரு உணர்ச்சிகரமான அனுபவத்தைச் சமந்தா இந்த நிகழ்ச்சியில் எதிர்கொண்டுள்ளார். பள்ளிப் பருவத்தில் தனக்கு மிகவும் பிடித்த உணவாக, பல்லாவரத்தில் உள்ள துர்கா ஹோட்டலின் புகழ்பெற்ற தயிர் வடையை அவர் குறிப்பிட்டுள்ளார்.

பள்ளிக்காலத்திற்குத் திரும்பிச் செல்வதாகக் கண்களை மூடிக்கொண்டு கற்பனை செய்யுமாறும், அங்கிருந்து நேராகத் துர்கா ஹோட்டலுக்குச் செல்வதாக நினைத்துப் பார்க்குமாறும் சமந்தாவிடம் கூறப்படுகிறது. இதையடுத்து, தனது பள்ளிப் பருவத்தின் எளிமையான, இனிமையான நாட்களை மனக்கண்ணில் மீண்டும் காணும் அவர், உணர்ச்சிவசப்பட்டுக் கண்கலங்குகிறார்.

இந்த நெகிழ்ச்சியான தருணம், உணவுக்கும் நம் நினைவுகளுக்கும் இடையிலான ஆழமான பிணைப்பை எடுத்துக்காட்டுகிறது. ஒரு பழக்கமான சுவை, நாம் வாழ்ந்த இடங்களையும், கடந்து வந்த காலத்தையும், அந்த நினைவுகளைச் சிறப்பானதாக்கிய மனிதர்களையும் மீண்டும் நினைவுபடுத்துகிறது. சமையல் என்பது உணவைத் தயாரிப்பதுடன் முடிந்துவிடுவதில்லை; அது நம் வாழ்க்கையின் பல இனிய தருணங்களையும் நினைவுகளையும் தன்னுள் சுமந்து நிற்கிறது என்பதை இந்த நிகழ்வு உணர்த்துகிறது.

எண்டமோல் ஷைன் இந்தியா தயாரிக்கும் ‘செலிபிரிட்டி மாஸ்டர்செஃப் தமிழ்’ நிகழ்ச்சியில், தமிழ் பொழுதுபோக்குத் துறையைச் சேர்ந்த பிரபலங்கள் பங்கேற்று, சமையல் போட்டிகளில் தங்களது திறமைகளையும் படைப்பாற்றலையும் வெளிப்படுத்தி வருகின்றனர். பாரம்பரியத் தமிழ் உணவுகள், அவற்றின் தனித்துவமான சுவைகள் மற்றும் உணவுக் கலாச்சாரத்திற்கும் இந்த நிகழ்ச்சியில் முக்கியத்துவம் அளிக்கப்படுகிறது.

இந்நிகழ்ச்சியில் சமந்தா ரூத் பிரபு பிரபல நடுவராகப் பங்கேற்கிறார். அவருடன் சமையல் கலைஞர்கள் வெங்கடேஷ் பட், சாஷி செல்லையா மற்றும் ஸ்ரேயா அட்கா ஆகியோர் நடுவர்களாக இடம்பெற்றுள்ளனர். ஆர்.ஜே. விஜய் நிகழ்ச்சியைத் தொகுத்து வழங்குகிறார்.

‘செலிபிரிட்டி மாஸ்டர்செஃப் தமிழ்’ நிகழ்ச்சி அக்டோபர் 19 முதல் சோனி விழா தொலைக்காட்சியில் ஒளிபரப்பாகி வருகிறது. மேலும், சோனி லிவ் ஓடிடி தளத்திலும் இந்நிகழ்ச்சியைக் காணலாம்.