ரகளையான காதல் கதையில், விஜய தேவரகொண்டா-கீர்த்தி சுரேஷ் ஜோடி

லவ் அன்ட் ஆக்சன் மிக்ஸிங்கில் உருவாகவுள்ள படம் பற்றிப் பார்ப்போம்..

டோலிவுட் ஸ்டார் விஜய் தேவரகொண்டா தற்போது ‘கிங்டம்’ என்ற ஆக்சன் படத்தில் நடித்து வருகிறார். ரசிகர்கள் மிகவும் எதிர்பார்க்கும் இப்படம் மே மாதம் வெளியாகிறது.

மேலும், ரவி கிரண் கோலா மற்றும் ராகுல் சங்கிரித்யன் ஆகியோரின் படங்களிலும் நடிக்க உள்ளார். இதில், ரவி கிரண் கோலாவுடன் இயக்கும் படத்திற்கு ‘ரவுடி ஜனார்தன்’ என்று பெயரிடப்பட்டுள்ளதாக தெரிகிறது. நடிகை கீர்த்தி சுரேஷ் ஜோடியாக உள்ளதாக கூறப்படுகிறது.

ஆரம்பத்தில், ருக்மணி வசந்த் நடிக்க இருப்பதாக கூறப்பட்ட நிலையில், தற்போது கீர்த்தி சுரேஷ் கதையை கேட்டவுடன் ஒப்புதல் வழங்கியுள்ளதாக சொல்லப்படுகிறது.
‘கேம் சேஞ்சர்’ தயாரிப்பாளர் தில் ராஜு தயாரிக்கும் இப்படத்தின் படப்பிடிப்பு கோடையில் தொடங்கும் என எதிர்பார்க்கப்படுகிறது.

திருமணத்திற்கு பிறகு கீர்த்தி சுரேஷ் ஜோடியாக நடிக்கும் படம் என்பது குறிப்பிடத்தக்கது. தேசிய விருது பெற்ற நடிகையல்லவா கீர்த்தி.!