யாஷின் “டாக்சிக்” படத்தின் “தடுமாறுதே” வீடியோ பாடல் வெளியானது

‘ராக்கிங் ஸ்டார்’ யாஷ் நடித்துள்ள ‘டாக்ஸிக்: A Fairy Tale for Grown-Ups’ திரைப்படத்தின் இரண்டாவது பாடலான ‘தடுமாறுதே’ வெளியாகியுள்ளது. ‘தபாஹி’ பாடலின் மாபெரும் வரவேற்பைத் தொடர்ந்து வெளியாகியுள்ள இந்த மெலடி, ராயா மற்றும் ரெபெக்கா கதாபாத்திரங்களின் காதல் உறவின் புதிய பரிமாணத்தை ரசிகர்களுக்கு அறிமுகப்படுத்துகிறது.

தீவிரமான காதலின் ஆற்றலை வெளிப்படுத்திய ‘தபாஹி’ பாடலுக்கு மாறாக, ‘தடுமாறுதே’ பாடல் மென்மையான உணர்வுகள், ஏக்கம், சொல்லப்படாத காதல் உணர்ச்சிகள் ஆகியவற்றை மையமாகக் கொண்டு உருவாகியுள்ளது. யாஷ் மற்றும் தாரா சுதாரியாவின் திரைவேதியியல் இந்த பாடலில் புதிய கோணத்தில் வெளிப்படுகிறது.

இந்தப் பாடலுக்கு தனிஷ்க் பாக்சி, அர்ஸ்லான் நிஜாமி, ஃபஹீம் அப்துல்லா ஆகியோர் இசையமைத்துள்ளனர். பாடலை சித்தார்த் பஸ்ரூர் தமிழ் உள்ளிட்ட ஐந்து மொழிகளில் பாடியுள்ளார். தமிழ் வரிகளை விக்னேஷ் சிவன் எழுதியுள்ளார்.

இந்தப் பாடல் ‘மதோஷ்’ (இந்தி), ‘மனமோஹகா’ (கன்னடம்), ‘மனசகதே’ (தெலுங்கு), ‘தடுமாறுதே’ (தமிழ்), ‘மதுமோஹினி’ (மலையாளம்) என்ற பெயர்களில் இந்தியா முழுவதும் வெளியிடப்பட்டுள்ளது.

பாடல் குறித்து இசையமைப்பாளர் தனிஷ்க் பாக்சி, “ராயா மற்றும் ரெபெக்காவின் உணர்வுபூர்வமான பயணத்தை இந்தப் பாடல் அழகாக பிரதிபலிக்கிறது. காதல், ஏக்கம் மற்றும் சொல்லப்படாத உணர்வுகளை இசையின் மூலம் வெளிப்படுத்த முயன்றுள்ளோம்” என்று தெரிவித்துள்ளார்.

பின்னணி பாடகர் சித்தார்த் பஸ்ரூர், “இது சாதாரண காதல் பிரிவு பாடல் அல்ல; இரு மனங்களுக்கு இடையில் சொல்லப்படாமல் இருக்கும் உணர்வுகளைப் பற்றியது. அதனால் பாடலின் உணர்வை குரலில் முழுமையாக வெளிப்படுத்த முயன்றேன்” என்றார்.

யாஷ், நயன்தாரா, கியாரா அத்வானி, தாரா சுதாரியா, ருக்மணி வசந்த், ஹூமா குரேஷி உள்ளிட்டோர் நடித்துள்ள ‘டாக்ஸிக்: A Fairy Tale for Grown-Ups’ திரைப்படத்தை கீது மோகன் தாஸ் இயக்கியுள்ளார். KVN Productions மற்றும் Monster Mind Creations இணைந்து தயாரித்துள்ள இப்படம், ஆகஸ்ட் 26 அன்று உலகம் முழுவதும் திரையரங்குகளில் வெளியாகிறது.