மம்முட்டி-மோகன்லால் இணையும் படத்தில் நயன்தாரா: வைரல் நிகழ்வு
16 ஆண்டுகளுக்கு பிறகு இரு சூப்பர் ஸ்டார்கள் இணையும் படத்தில் சூப்பர் ஹீரோயினியும் இணைகிறார். இது பற்றிய விவரம் காண்போம்…
தமிழில், கமல்ஹாசன் நடித்த விஸ்வரூபம், விஸ்வரூபம்-2, 36 வயதினிலே ஆகிய படங்களில் படத்தொகுப்பாளராகப் பணியாற்றியவர் மகேஷ் நாராயணன். இவர், சி யூ சூன், மாலிக் ஆகிய மலையாளப் படங்களை இயக்கியுள்ளார்.
இதனைத் தொடர்ந்து, இயக்கும் படத்தில் மம்முட்டி, மோகன்லால், நயன்தாரா, பகத் பாசில் நடிக்கின்றனர். மம்முட்டியும் மோகன்லாலும் 16 ஆண்டுகளுக்குப் பிறகு மீண்டும் இணைந்து நடிக்கின்றனர்.
இதன் படப்பிடிப்பில் இணைந்த நயன்தாராவை வரவேற்கும் விதமான வீடியோ ஒன்றைத் தயாரிப்பாளர் ஆன்டோ ஜோசப் வெளியிட்டுள்ளார். அதில், படப்பிடிப்பு இடைவேளையில் நயன்தாராவும் மம்முட்டியும் பேசிக் கொண்டிருக்கின்றனர். இந்த வீடியோ வலைதளங்களில் பரவி வருகிறது.
நயன்தாரா ஏற்கெனவே ராப்பகல், பாஸ்கர் த ராஸ்கல், புதிய நியமம் உள்ளிட்ட படங்களில் மம்முட்டியுடன் நடித்துள்ளார்.
