‘பாதாம்கீர்’ படத்தின் ஃபர்ஸ்ட் லுக் மற்றும் டைட்டில் போஸ்டர் வெளியீடு

லார்ட்ஸ் பி தி இன்டர்நேஷனல் புரொடக்ஷன்ஸ் தயாரிப்பில், அறிமுக இயக்குநர் ஜெய் சக்தி பிரகாஷ் இயக்கத்தில் உருவாகி வரும் ரொமான்ஸ் கலந்த காமெடி திரைப்படமான ‘பாதாம்கீர்’ படத்தின் டைட்டில் மற்றும் ஃபர்ஸ்ட் லுக் போஸ்டர் வெளியாகியுள்ளது. இந்த போஸ்டரை முன்னணி நடிகர் கௌதம் கார்த்திக் தனது சமூக வலைதள பக்கங்கள் மூலம் வெளியிட்டுள்ளார்.

வெளியான உடனேயே ரசிகர்களின் கவனத்தை ஈர்த்துள்ள இந்த ஃபர்ஸ்ட் லுக் போஸ்டர், வண்ணமயமான பின்னணியுடன் ஜாலியான மனநிலையை பிரதிபலிக்கிறது. நடிகர்கள் சிவகுமார், சதீஷ் மற்றும் டேனியல் ஆன்னி போப் ஆகியோர் இசைக்கருவிகளுடன் காட்சியளிக்கும் விதமாக வடிவமைக்கப்பட்டுள்ள இந்த போஸ்டர், படத்தின் லைட்-ஹார்ட்டட் மற்றும் பொழுதுபோக்கு அம்சங்களை வெளிப்படுத்துகிறது. குடும்பத்துடன் ரசிக்கக்கூடிய முழுநீள ரொமான்டிக் காமெடியாக படம் உருவாகி வருவதாகவும் இதன் மூலம் உணர முடிகிறது.

இப்படத்தில் சிவகுமார் மற்றும் ஆன் ஷீத்தல் கதாநாயகன், கதாநாயகியாக நடித்துள்ளனர். இவர்களுடன் சதீஷ், டேனியல் ஆன்னி போப், பிரதீப் ஜோஷ் உள்ளிட்டோர் முக்கிய கதாபாத்திரங்களில் நடித்துள்ளனர். மேலும் யோகிபாபு மற்றும் டி.எம். கார்த்திக் சிறப்பு தோற்றங்களில் இடம்பெறுகின்றனர். மதுமிதா, வழக்கு எண் முத்துராமன், லிஜா உள்ளிட்டோரும் முக்கிய வேடங்களில் நடித்துள்ளனர்.

சென்னை, பாண்டிச்சேரி மற்றும் மூணாறு உள்ளிட்ட அழகிய இடங்களில் படப்பிடிப்பு முழுமையாக நிறைவடைந்துள்ள நிலையில், தற்போது இறுதிக்கட்ட பின்னணி பணிகள் விறுவிறுப்பாக நடைபெற்று வருகின்றன. விரைவில் டீசர் மற்றும் அடுத்தடுத்த அப்டேட்கள் வெளியாகும் என படக்குழு தெரிவித்துள்ளது.

படத்தின் கதை, திரைக்கதை மற்றும் இயக்கத்தை ஜெய் சக்தி பிரகாஷ் கவனித்துள்ள நிலையில், இசையமைப்பாளர் விஷால் சந்திரசேகர் இசையமைத்துள்ளார். ஒளிப்பதிவை ஏ. குமரன் மேற்கொண்டுள்ளதுடன், லினு எம் படத்தொகுப்பை கவனித்துள்ளார். அனுபவம் மிக்க தொழில்நுட்பக் குழுவுடன் உருவாகி வரும் ‘பாதாம்கீர்’, ரசிகர்களுக்கு புத்துணர்ச்சியான ரொமான்டிக் காமெடி அனுபவத்தை வழங்கும் என எதிர்பார்க்கப்படுகிறது.

தொழில்நுட்பக் குழு:

தயாரிப்பாளர் – பிரதீப் ஜோஸ். K
கதை, திரைக்கதை, இயக்கம் – ஜெய் சக்தி பிரகாஷ்
இசை – விஷால் சந்திரசேகர்
ஒளிப்பதிவு – ஏ. குமரன்
படத்தொகுப்பு – லினு. M
சவுண்ட் எஃபெக்ட்ஸ் – சி. சேது
புரொடக்ஷன் எக்ஸிக்யூட்டிவ் – கே. சடகோபன்
கலை இயக்கம் – ஏ. பழனிவேல்
நடன அமைப்பு – கல்யாண்

ரொமான்ஸ், நகைச்சுவை மற்றும் இசை நிறைந்த பொழுதுபோக்கு திரைப்படமாக உருவாகும் ‘பாதாம்கீர்’, ரசிகர்களின் எதிர்பார்ப்பை ஏற்கனவே அதிகரித்துள்ளது.