அதர்வா நடித்த க்ரைம் திரில்லர் ‘டிஎன்ஏ’ படம்: ஓடிடி.யில் வெளியீடு..

குழந்தையை தொலைத்த ஒரு தம்பதியின் வலி நிறைந்த தேடல் ‘டின்ஏ’ கதைக்களம்.

நெல்சன் வெங்கடேசன் இயக்கத்தில், அதர்வா நடிப்பில் ஜூன் 20-ந்தேதி வெளியான இப்படம் விமர்சன ரீதியாக வரவேற்பைப் பெற்றது. வசூல் ரீதியாக எதிர்பார்த்த வரவேற்பைப் பெறவில்லை.

இப்படம் வெளியீட்டுக்கு முன்பே, ஓடிடி மற்றும் தொலைக்காட்சி உரிமை விற்கப்பட்டுவிட்டது. தற்போது ஜூலை 19-ம் தேதி ‘டி.என்.ஏ’ திரைப்படம் ஜியோ ஹாட்ஸ்டார் ஓடிடி தளத்தில் வெளியாகவுள்ளது. இதற்கான அறிவிப்பு அதிகாரபூர்வமாக அறிவிக்கப்பட்டு உள்ளது.

இப்படத்தில் நிமிஷா சஜயன், ரமேஷ் திலக், பாலாஜி சக்திவேல், சேத்தன் உள்பட பலர் நடித்திருந்தார்கள். இதற்கு 5 புதிய இசையமைப்பாளர்கள் ஓவ்வொரு பாடலை உருவாக்கி இருந்தார்கள் என்பது குறிப்பிடத்தக்கது.

‘டி.என்.ஏ’ படத்தின் பின்னணி இசையினை ஜிப்ரான் அமைத்திருந்தார். திரையரங்குகளுக்கு வந்து படம் பார்த்த பலரும் இப்படத்தினைக் கொண்டாடியது குறிப்பிடத்தக்கது. ஜூலை 19-ம் தேதி ஓடிடி வெளியீட்டுப் பிறகு, இணையத்தில் கொண்டாடப்படும் என்ற நம்பிக்கையில் இருக்கிறது படக்குழு.

படத்தில், நரபலி தொடர்பான தொடர்பான தேடல், குழந்தைக் கடத்தல் நெட்வொர்க் போன்ற காட்சிகள் திரில்லிங்காய் உருவாக்கப்பட்டு வரவேற்பு பெற்றுள்ளது.