செல்வராகவன் நடிக்கும் ‘மனிதன் தெய்வமாகலாம்’ படத்தின் கதைக்களம்..

இயக்குநர் செல்வராகவன் நடிகராகவும் முத்திரை பதித்து வருகிறார். இதற்கிடையே ஜி.வி.பிரகாஷ் நடிப்பில் ‘மெண்டல் மனதில்’ என்ற படத்தை இயக்கி வருகிறார்.

இந்நிலையில், டென்னிஸ் மன்ஜுனாத் இயக்கத்தில் ‘மனிதன் தெய்வமாகலாம்’ என்ற படத்தில் செல்வராகவன் நடிகராக இணைந்துள்ளார். விஜயா சதீஷ் இப்படத்தை தயாரிக்கிறார். இப்படத்தில் குஷி ரவி, வை.ஜி. மகேந்திரன், மைம் கோபி, கௌசல்யா, சதீஷ், லிர்திகா, என். ஜோதி கண்ணன் உள்பட பலர் முக்கிய கதாபாத்திரங்களில் நடிக்கின்றனர்.

இப்படம் பற்றி இயக்குநர் தெரிவிக்கையில், ‘இயற்கையும் அமைதியும் சூழ்ந்துள்ள ஒரு கிராமத்தில் நிகழும் பெரும் சோகம் அதன் ஒற்றுமையை சிதைக்கிறது. அதனைத் துடைத்தெறிய மக்கள் மனவலிமையில் போராடும் நாயகன், தனது கிராமத்தைக் காப்பாற்ற எடுக்கும் தீர்மானம், அவனை அங்கு தெய்வமாக உயர்த்துகிறது. இதுவே படத்திற்கான அற்புதமான தலைப்பை உருவாக்கியது’ என கூறியுள்ளார்.