ராஜ்குமார் பெரியசாமி இயக்கத்தில் சிவகார்த்திகேயன் நடித்து வெளியான ‘அமரன்’ திரைப்படம் அமோக வரவேற்பை பெற்றது தெரிந்ததே. அவ்வகையில், சித்தார்த் நடிக்கும் வெப் சீரிஸ் பற்றிப் பார்ப்போம்..
இந்தியா – பாகிஸ்தான் இடையே 1999- ம் ஆண்டு கார்கில் போர் மூண்டது. கார்கில், ஜம்மு மற்றும் காஷ்மீரில் உள்ள சில பகுதிகளில் பாகிஸ்தான் ராணுவமும் தீவிரவாதிகளும் ஊடுருவ முயன்றனர். அவர்களை இந்திய ராணுவம் விரட்டியடித்து, ஆக்கிரமிக்கப்பட்ட பகுதியை மீட்டது.
இந்தப் போரில் இந்திய விமானப்படை மேற்கொண்ட நடவடிக்கைகளுக்கு ‘ஆபரேஷன் சஃபேத் சாகர்’ என்று பெயரிடப்பட்டது. பாகிஸ்தான் ராணுவம் மற்றும் தீவிரவாத முகாம்கள், ஆயுதங்கள் மற்றும் விநியோக வழித்தடங்களை அழிப்பதில் பெரும் பங்காற்றியது.
இந்நிலையில், இந்த விமானப்படையின் பணியை ‘ஆபரேஷன் சஃபேத் சாகர்’ என்ற பெயரில் வெப் தொடராக்கி உள்ளனர். அடுத்த ஆண்டு நெட்பிளிக்ஸில் வெளியாக இருக்கும் இந்த வெப் தொடரில் சித்தார்த், ஜிம்மி ஷெர்கில், அபய் வர்மா, மிஹிர் அஹுஜா, தாருக் ரெய்னா, அர்னவ் பாசின் உள்ளிட்ட பலர் நடித்துள்ளனர். ஓனி சென் இயக்கியுள்ளார்.
மேட்ச் பாக்ஸ் ஷாட்ஸ் மற்றும் ஃபீல்குட் பிலிம்ஸ் தயாரித்துள்ள இந்த வெப் தொடர், இந்திய விமானப்படையின் ஆதரவுடன் உருவாகியுள்ளது. கார்கில் போரின் அதிகம் அறியப்படாத பக்கங்களை இத்தொடர் பேசும் என்கிறார்கள். டெல்லியில் நடைபெற்ற செகோன் இந்திய விமானப்படை மாரத்தான் 2025 -ன் தொடக்க விழாவில் இந்த வெப்தொடரின் டீஸர் வெளியிடப்பட்டு இணையத்தில் தற்போது வரவேற்பைப் பெற்றுள்ளது.