சாத்தியமான வாக்குறுதிகள்; சமத்துவமான வளர்ச்சி: தவெக தேர்தல் அறிக்கையின் முக்கிய அம்சங்கள்!

தமிழக வெற்றிக் கழகத்தின் தலைவர் விஜய், “சாத்தியமானதை மட்டுமே வாக்குறுதியாக அளிக்கிறோம்” என்ற முழக்கத்துடன் அக்கட்சியின் முழுமையான தேர்தல் அறிக்கையை இன்று வெளியிட்டார். திருக்குறளை அடிப்படையாகக் கொண்டு உருவாக்கப்பட்டுள்ள இந்த அறிக்கையில், சாமானிய மக்களின் வாழ்வாதாரத்தை மேம்படுத்தும் பல்வேறு அதிரடித் திட்டங்கள் இடம்பெற்றுள்ளன.

தவெக தேர்தல் அறிக்கையின் சிறப்பம்சங்கள்:

• மகளிர் நலன்: 60 வயதுக்கு உட்பட்ட குடும்பத் தலைவிகளுக்கு மாதம் ₹2,500 உதவித்தொகை வழங்கப்படும். மேலும், மணப்பெண்களுக்கு ஒரு சவரன் தங்கம் மற்றும் பட்டுச் சேலை வழங்கப்படும்.

• இலவசத் திட்டங்கள்: ஒவ்வொரு குடும்பத்திற்கும் ஆண்டுக்கு 6 சிலிண்டர்கள் இலவசமாக வழங்கப்படும்.

• கல்வி மற்றும் இளைஞர் நலம்: தரமான கல்வி வழங்க இலவச உறைவிடப் பள்ளிகள் நிறுவப்படும். மாணவர்களுக்கு ₹20 லட்சம் வரை பிணையில்லா கல்விக் கடன் உத்தரவாதம் அளிக்கப்படும்.

• வேலைவாய்ப்பு: வேலையில்லா பட்டதாரிகளுக்கு மாதம் ₹4,000, டிப்ளமோ முடித்தவர்களுக்கு ₹2,500 உதவித்தொகை வழங்கப்படும். 5 லட்சம் இளைஞர்களுக்குப் புதிய வேலைவாய்ப்புகள் உருவாக்கப்படும்.

• விவசாயம்: 5 ஏக்கருக்குக் குறைவாக நிலம் வைத்திருக்கும் விவசாயிகளின் பயிர்க்கடன் முழுமையாகத் தள்ளுபடி செய்யப்படும். கரும்பு டன்னுக்கு ₹4,500 குறைந்தபட்ச ஆதார விலை நிர்ணயிக்கப்படும்.

• சுகாதாரம்: ஒவ்வொரு குடும்பத்திற்கும் ₹25 லட்சம் வரை உயர் மருத்துவச் சிகிச்சைக்கான சுகாதாரக் காப்பீடு திட்டம் செயல்படுத்தப்படும்.

• சமூகப் பாதுகாப்பு: தமிழகத்தைப் போதைப்பொருள் இல்லாத மாநிலமாக மாற்றக் கடுமையான நடவடிக்கைகள் எடுக்கப்படும்.

மக்களின் அடிப்படைத் தேவைகளான கல்வி, மருத்துவம் மற்றும் விவசாயத்திற்கு முக்கியத்துவம் அளித்துள்ள விஜய்யின் இந்தத் தேர்தல் அறிக்கை அரசியல் களத்தில் பெரும் விவாதத்தை ஏற்படுத்தியுள்ளது.