மீண்டும் இணைந்த ஜூனியர் என்டிஆர் – இயக்குனர் திரி விக்ரம் கூட்டணி

மக்கள் நாயகன் என்.டி.ஆர் – இயக்குநர் திரிவிக்ரம் ஸ்ரீனிவாஸ் மீண்டும் இணையும் பிரம்மாண்ட தெய்வீக திரைப்படம்!

இந்திய சினிமா ரசிகர்கள் பல ஆண்டுகளாக எதிர்பார்த்திருந்த கூட்டணி மீண்டும் இணையவுள்ளது. மக்கள் நாயகன் என்.டி.ஆர் மற்றும் வெற்றிப்பட இயக்குநர் திரிவிக்ரம் ஸ்ரீனிவாஸ் இணையும் புதிய திரைப்படம் அதிகாரப்பூர்வமாக அறிவிக்கப்பட்டுள்ளது.

‘அரவிந்த சமேத வீரராகவா’ படத்தின் வெற்றிக்குப் பிறகு மீண்டும் இணையும் இந்த கூட்டணி, தெலுங்கு திரையுலகில் மட்டுமல்லாமல் இந்திய சினிமா ரசிகர்களிடையேயும் மிகுந்த எதிர்பார்ப்பை ஏற்படுத்தியுள்ளது.

இந்த புதிய படத்தின் அறிவிப்பை நடிகர் என்.டி.ஆர் தனது X சமூக வலைதளப் பக்கத்தில் பகிர்ந்துள்ளார். வெளியிடப்பட்டுள்ள முதல் அறிவிப்பு போஸ்டரில் திரிசூலமும் வேலும் ஒன்றிணைந்த சின்னத்துடன் DNA வடிவமைப்பு இடம்பெற்றுள்ளது. அதனுடன் இடம்பெற்றுள்ள “One Spear… One Purpose… One Divine Reckoning” என்ற டேக்லைன், படத்தின் தெய்வீக கருவையும் பிரம்மாண்டமான கதைக்களத்தையும் உணர்த்துகிறது.

புராணப் பின்னணியையும், தெய்வீக அம்சங்களையும் நவீன திரைக்கதையுடன் இணைக்கும் வகையில் உருவாகும் இந்த திரைப்படம், வலுவான கதைக்களம், ஆழமான உணர்வுகள், அதிரடி காட்சிகள் மற்றும் பிரம்மாண்டமான திரை அனுபவத்துடன் உருவாகவுள்ளது.

இப்படத்திற்கு இசையமைப்பாளராக அனிருத் ரவிச்சந்தர் இணைந்துள்ளார். அவரது இசை இந்த பிரம்மாண்ட படைப்பிற்கு மேலும் பலம் சேர்க்கும் என ரசிகர்கள் ஆவலுடன் எதிர்பார்த்து வருகின்றனர்.

ஹாரிகா & ஹாசினி கிரியேஷன்ஸ் சார்பில் எஸ். ராதாகிருஷ்ணா (சின்ன பாபு) மற்றும் என்.டி.ஆர் ஆர்ட்ஸ் சார்பில் நந்தமூரி கல்யாண் ராம் இணைந்து இப்படத்தை தயாரிக்கின்றனர். வெற்றிகரமான நடிகர்–இயக்குநர் கூட்டணியுடன் முன்னணி தயாரிப்பு நிறுவனங்களும் இணைவதால், இந்திய சினிமாவின் மிகப் பிரம்மாண்டமான திரைப்படங்களில் ஒன்றாக இது அமையும் என்ற எதிர்பார்ப்பு நிலவுகிறது.

படத்தின் மற்ற நடிகர்கள், தொழில்நுட்பக் கலைஞர்கள் மற்றும் படப்பிடிப்பு குறித்த அறிவிப்புகள் விரைவில் வெளியாகும் என்று படக்குழு தெரிவித்துள்ளது.

நடிகர் – என்.டி.ஆர்

தொழில்நுட்பக் குழு

தயாரிப்பு நிறுவனங்கள்: ஹாரிகா & ஹாசினி கிரியேஷன்ஸ், என்.டி.ஆர் ஆர்ட்ஸ்

தயாரிப்பாளர்கள்: எஸ். ராதாகிருஷ்ணா (சின்ன பாபு), நந்தமூரி கல்யாண் ராம்

கதை, திரைக்கதை, இயக்கம்: திரிவிக்ரம் ஸ்ரீனிவாஸ்

இசை: அனிருத் ரவிச்சந்தர்