நாள் குறித்த விஜய்.. அரசியல் கட்சியாக மாறும் விஜய் மக்கள் இயக்கம் – எந்த தேதியில் தெரியுமா?

விஜய் மக்கள் இயக்கம் அரசியல் கட்சியாக மாற இருப்பதாக தகவல் வெளியாகி உள்ளது. 

தமிழ் சினிமாவின் முன்னணி நடிகராக வலம் வருபவர் தளபதி விஜய். இவரது நடிப்பில் தற்போது கோட் என்ற திரைப்படம் உருவாகி வருகிறது. இந்த படத்தைத் தொடர்ந்து தளபதி விஜய் அரசியலில் இறங்குவதற்காக இரண்டு வருடம் பிரேக் எடுத்து அதற்கான வேலைகளில் இறங்க உள்ளார். 

2026 ஆண்டு நடைபெற உள்ள சட்டப்பேரவை தேர்தலில் களம் இறங்க விஜய் தனது மக்கள் இயக்கத்தை அரசியல் கட்சியாக மாற்றுவதற்கான வேலைகளில் இறங்கி இருப்பதாகவும் இதற்காக நடந்து முடிந்த கூட்டத்தில் வரும் பிப்ரவரி நான்காம் தேதி அரசியல் கட்சியாக பதிவு செய்ய முடிவெடுத்து இருப்பதாகவும் தகவல் வெளியாகி உள்ளது. 

இதற்காக ப்ருஸ்லி ஆனந்த் தலைமையிலான குழு டெல்லி செல்ல தயாராகி வருவதாக தகவல்கள் வெளியாகி உள்ளன.