விக்ரம் படத்தில் சூர்யாவின் கதாபாத்திரம் குறித்து முக்கிய தகவலை வெளியிட்டுள்ளார் பிரபலம் ஒருவர்.
தமிழ் சினிமாவில் உலக நாயகன் கமல்ஹாசன் நடிப்பில் லோகேஷ் கனகராஜ் இயக்கத்தில் உருவாகியுள்ள திரைப்படம் விக்ரம். கமல்ஹாசன் நடித்தது மட்டுமல்லாமல் தயாரித்துள்ள இந்த படத்தில் விஜய் சேதுபதி, பஹத் பாசில், நரேன் மற்றும் நடிகர் சூர்யா ஆகியோர் முக்கிய கதாபாத்திரங்களில் நடித்துள்ளனர்.
இப்படத்தில் நடிகர் சூர்யா நடித்துள்ள விஷயம் சர்ப்ரைசாக வைக்கப்பட்டிருந்த நிலையில் படத்தின் ட்ரைலர் வெளியீட்டு விழாவில் இதுகுறித்த அறிவிப்பை வெளியிட்டார் லோகேஷ்.
இந்த நிலையில் தற்போது இந்த படத்தில் வசனகர்த்தாவாக பணியாற்றியுள்ள ரத்னகுமார் அளித்துள்ள பேட்டி ஒன்றில் சூர்யாவின் கதாபாத்திரம் குறித்து பேசியுள்ளார். படத்தின் முக்கியமான திருப்புமுனையாக சூர்யாவின் கதாபாத்திரம் இருக்கும் எனவும் அவர் வரும் காட்சிகள் எனர்ஜிட்டிக்காக இருக்கும் எனவும் தெரிவித்துள்ளார்.
ரத்னகுமார் கூறிய இந்த தகவல்களால் சூர்யா ரசிகர்களுக்கு படத்தின் மீதான எதிர்பார்ப்பு எக்கச்சக்கமாக எகிறி உள்ளது. மேலும் படத்தில் கமல்ஹாசன் பெயர் கூட வேறு ஒரு பெயர் என்பதால் யார் தான் அந்த விக்ரம் என்ற கேள்வியை ரசிகர்கள் மத்தியில் உச்சத்தை தொட்டுள்ளது.