இந்தியாவில், தற்போது மிக பிரபலமான 10 நடிகர்கள் பட்டியல்: முதலிடம் யார் தெரியுமா?

இந்தியாவிலேயே மிக பிரபலமான திரைப்பட நடிகராக பிரபாஸ் தற்போது உருவெடுத்துள்ளார். இது குறித்த கணிப்பு வருமாறு:

Ormax நிறுவனம் “Ormax Stars India Loves: Most popular male film stars in India (Oct 2024)” பட்டியலை வெளியிட்டது.

இந்த பட்டியலின்படி பிரபாஸ் முதலிடம் பிடித்துள்ளார். 2-வது இடத்தை தளபதி விஜய் பிடித்துள்ளார். ஷாருக்கான் 3-வது இடத்தை பிடித்துள்ளார். அதைத் தொடர்ந்து, ஜூனியர் என்டிஆர் 4-வது இடத்திலும், அஜித் குமார் 5-வது இடத்திலும் உள்ளனர்.

அல்லு அர்ஜுன் 6-வது இடத்திலும், மகேஷ் பாபு 7-வது இடத்திலும், சூர்யா 8-வது இடத்திலும், ராம் சரண் 9-வது இடத்திலும் உள்ளனர். நடிகர் சல்மான் கான் 10-வது இடத்தில் உள்ளார்.

‘ரெபல் ஸ்டார்’ என்று அழைக்கப்படும் பிரபாஸ் சமீபத்தில் நாக் அஸ்வின் இயக்கத்தில் வெளியான கல்கி 2898 படத்தில் நடித்திருந்தார். தீபிகா படுகோனே, அமிதாப் பச்சன் மற்றும் கமல்ஹாசன் ஆகியோர் முக்கிய வேடங்களில் நடித்திருந்த இந்த படம் மிகப்பெரிய பிளாக்பஸ்டர் ஹிட்டானது.

இப்படம் உலகம் முழுவதும் ரூ.1000 கோடிக்கு மேல் வசூல் செய்தது. பிரபாஸ் தற்போது சலார் 2 படத்திலும், கல்கி 2898 ஏடி படத்தின் அடுத்த பாகத்திலும் நடித்து வருகிறார்.

மேலும், தி ராஜா சாப், சந்தீப் ரெட்டி வங்கா இயக்கத்தில் ஸ்பிரிட் ஆகிய படங்களையும் அவர் கைவசம் வைத்திருக்கிறார். ஹோம்பலே பிலிம்ஸ் நிறுவனத்துடன் பிரபாஸ் மூன்று பட ஒப்பந்தத்தில் கையெழுத்திட்டுள்ளார்.

சமீபத்தில், பிரசாந்த் நீல் இயக்கிய, வரவிருக்கும் படமான சாலார் பார்ட் 2 தயாரிக்கப் போவதாக தயாரிப்பு நிறுவனம் அறிவித்தது. பிரபாஸின் கைவசம் தற்போது ரூ. 1700 கோடி மதிப்பிலான திட்டங்கள் இருப்பதாக நம்பப்படுகிறது.

இதனால், பலே பலே பாகுபலி.. பயமின்றி பாயும் புலியாய் முதலிடம் தொட்ட பிரபாஸ்க்கு, அவரது ரசிகர்கள் வாழ்த்து மழை பொழிவது, இணையமெங்கும் வெள்ளமாய் ஓடிக் கொண்டிருக்கிறது.