நீங்கள் ரஜினி ரசிகரா? கமல் ரசிகரா?: இயக்குனர் லோகேஷ் வெளிப்படையான பதில்

ஒரு கேள்விக்கு, பல பதில்கள் வந்து விடும். அதுபோல, இயக்குனர் லோகேஷ் மனம் திறந்து பேசியிருக்கிறார்.

அதாவது, சூப்பர் ஸ்டார் ரஜினி நடிப்பில் ‘கூலி’ படத்தை தற்போது இயக்கும் லோகேஷ் மீண்டும் கமல்ஹாசனுடன் இணையவிருக்கிறார். இது குறித்த தகவல் வருமாறு:

இயக்குனர் லோகேஷ் கனகராஜின் ஸ்பெஷல்களில் ஒன்று எல்சியூ. தான் இயக்கிய முந்தைய படங்களில் இடம்பெற்ற கதாபாத்திரங்களை அடுத்த படத்திலும் கொண்டுவந்து இணைப்பதாகும்.

இந்த எல்சியூ தவிர்த்து, தனது படங்களில் ‘ரெட்ரோ’ பாடல்களை ஒலிக்க விடுவதையும் ஒரு பாணியாக வைத்திருக்கிறார்.

இதற்கிடையே, ‘விக்ரம்’ படத்திற்கு பிறகு, லோகேஷ் மீண்டும் கமல்ஹாசனுடன் இணைவாரா? என்ற கேள்வி எழுந்தது. இதுகுறித்த கேள்விக்கு பதிலளித்த அவர்,

‘நான் கமல்ஹாசனின் தீவிர ரசிகன். அவரை நேரில் ஒருமுறை பார்த்து விட்டாலே போதும் என்றுதான் நினைத்திருந்தேன். ஆனால், அவரையே இயக்குவேன் என நினைக்கவில்லை. அது எனக்கு கிடைத்த அதிர்ஷ்டம். மீண்டும் அவருடன் இணையவிருக்கிறேன்’ என மகிழ்ச்சியுடன் தெரிவித்திருக்கிறார்.

அந்தப் படம் ‘விக்ரம்’ படத்தின் 2-வது பாகமாக இருப்பதற்கே வாய்ப்புகள் அதிகம். அதேபோல், கார்த்தியை வைத்து கைதி-2, சூர்யாவை வைத்து ‘இரும்புக்கை மாயாவி’ உள்ளிட்ட படங்களையும் அவர் அடுத்தடுத்து இயக்கவிருக்கிறார்.

கமலுடன் மீண்டும் இணையவிருப்பதாக லோகேஷ் அறிவித்த தகவல் ரசிகர்களால் ரசிக்கத்தக்க மீம்ஸ்களாய் வைரலாகி தெறிக்கிறது.