தனுஷ் பட பூஜை மற்றும் புதிய பொலிவுடன் ‘அம்பிகாபதி’ ரீரிலீஸ்..

தனுஷ் நடிப்பில் கடைசியாக வெளிவந்த வாத்தி, ராயன் மற்றும் குபேரா ஆகிய 3 படங்களும் தொடர்ச்சியாக 100 கோடிக்கு மேல் வசூலித்ததால், டி54 படமும் அந்த லிஸ்ட்டில் இணையும் என எதிர்பார்க்கப்படுகிறது.

‘போர்த் தொழில்’ படத்தின் இயக்குநர் விக்னேஷ் ராஜா, தனுஷின் D54 படத்தை இயக்கவுள்ளார். இன்று நடைபெற்ற இப்படத்தின் பூஜையில் இயக்குனர் வெற்றிமாறன் சிறப்பு விருந்தினராக கலந்துகொண்டார். தனுஷ் வேஷ்டி சட்டையில் வந்து கலந்துகொண்டார்.

இந்நிலையில், ஆனந்த் எல்.ராய் இயக்கத்தில் தனுஷ், சோனம் கபூர் நடித்து ஏ.ஆர்.ரகுமான் இசையமைத்திருந்த ‘ரஞ்சனா’ படம் மூலம் தனுஷ் இந்தியில் அறிமுகமாகி இருந்தார்.

இந்தப் படம் 2013 -ம் ஆண்டு ‘அம்பிகாபதி’ என்ற பெயரில் தமிழில் வெளியானது. இதை இப்போது அப்ஸ்விங் என்டர்டெயின்மென்ட் நிறுவனம் நவீன தொழில் நுட்பத்துடன் ஆக.1-ந்தேதி மீண்டும் ரிலீஸ் செய்கிறது.

ஒரு நடுத்தர வர்க்கத்து இளைஞனின் ஒரு தலைக்காதலைச் சொல்லும் படமான இது, புதிய கிளைமாக்ஸ் காட்சியுடன் 4கே தரத்தில் நவீன அட்மாஸ் சவுண்ட் வடிவமைப்புடன் வெளியாகிறது.