‘மதராஸி’ படத்திற்கு சென்சார் கொடுத்த சான்றிதழ், மற்றும் நடவடிக்கை..

சிவகார்த்திகேயன் நடிப்பில் ‘மதராஸி’ படத்தின் தகவல்கள் காண்போம்..

ஏ.ஆர்.முருகதாஸ் -சிவகார்த்திகேயன் முதல்முறையாக இணைந்திருக்கும் ‘மதராஸி’ படம் அடுத்த வாரம் செப்டம்பர் 5-ந்தேதி வெளியாகவுள்ளது. தற்போது படத்தின் ப்ரோமோஷன் பணிகளை படக்குழு செய்து வருகின்றனர்.

சிவகார்த்திகேயன், ருக்மிணி வசந்த் என படக்குழு பல மாநிலங்களில் ‘மதராஸி’ பட ப்ரோமோஷனை செய்து வருகின்றனர். இப்படத்திற்கு சென்சார் குழு U /A சான்று வழங்கியுள்ளது.

படத்தில் ஒரு சில காட்சிகளில் இடம்பெறும் வசனங்கள் மற்றும் வன்முறைக் காட்சிகள் இந்த U /A சான்றிற்கு காரணம் என தெரிகின்றது. சென்சார் குழு இப்படத்தில் எட்டு இடங்களில் கட் மற்றும் மியூட் செய்திருக்கின்றது. அந்த ரிப்போர்ட் தற்போது இணையத்தில் வைரலாகி வருகிறது.

இதுவரை சிவகார்த்திகேயன் நடிப்பில் வெளியான பெரும்பாலான படங்கள் U சான்று பெற்ற படங்களாக இருந்துள்ளது. குடும்பங்கள் கொண்டாடும் படங்களாக சிவகார்த்திகேயன் படங்கள் இருக்கும். ஆனால், இப்படத்திற்கு சென்சார் குழு U /A சான்று கொடுத்துள்ளதால் ஒரு சிலர், இப்படத்தை குழந்தைகளும் குடும்பங்களும் பார்க்கலாமா? என கேட்டு வருகின்றனர். ஆனால், கண்டிப்பாக மதராஸி திரைப்படத்தை குழந்தைகள் முதல் பெண்கள் வரை அனைவரும் பார்க்கலாம் என்பதே கருத்தாகவுள்ளது. .

முழுக்க முழுக்க சீரியஸான ஒரு ராணுவ வீரராக சிவகார்த்திகேயன் ‘அமரன்’ படத்தில் நடித்து கவனத்தை ஈர்த்தார். அதுபோல, அவரின் திரைப்பயணத்தில் ‘மதராஸி’ படமும் முத்திரை பதிக்கும் என எதிர்பார்க்கப்படுகிறது.