நடிகர் யஷ்ஷின் டாக்ஸிக் பட டிரைலர் வெளியானது!

மிகுந்த எதிர்பார்ப்பை ஏற்படுத்தியிருந்த யாஷின் ‘டாக்ஸிக்: ஏ ஃபேரி டேல் ஃபார் க்ரோன்-அப்ஸ்’ திரைப்படத்தின் அதிகாரப்பூர்வ டிரெய்லர் வெளியாகியுள்ளது. கட்டுப்பாடற்ற இரு சக்திகளின் மோதல், சோதிக்கப்படும் விசுவாசங்கள், சிக்கலான உறவுகள் மற்றும் ஒவ்வொரு கதாபாத்திரத்திற்கும் பின்னால் இருக்கும் தனித்துவமான கதையை மையமாகக் கொண்டு இப்படத்தின் பிரம்மாண்ட உலகத்தை டிரெய்லர் அறிமுகப்படுத்துகிறது.

‘ராக்கிங் ஸ்டார்’ யாஷ் கதையின் மையக் கதாபாத்திரமாக நடித்துள்ள இப்படம், பிரம்மாண்டமான ஆக்‌ஷன் காட்சிகளுடன் காதல், அதிகாரத்தின் மீதான பேராசை, துரோகம் மற்றும் மீட்சி போன்ற உணர்வுகளையும் இணைத்திருப்பது டிரெய்லர் மூலம் தெரியவந்துள்ளது. கண்கவர் காட்சியமைப்புகள், அதிரடி சண்டைக் காட்சிகள், வலுவான கதாபாத்திரங்கள் மற்றும் தீவிரமான உறவுகள் என, ‘டாக்ஸிக்’ ஒரு உணர்வுபூர்வமான கேங்ஸ்டர் கதையாக உருவாகியிருப்பது எதிர்பார்ப்பை அதிகரித்துள்ளது.

படத்தின் மையமாக ராயா மற்றும் அவரது மகன் டிக்கெட் இடையிலான சிக்கலான உறவு இடம்பெற்றுள்ளது. குறிப்பாக, யாஷ் ராயா மற்றும் டிக்கெட் என இரட்டை வேடங்களில் நடித்துள்ள நிலையில், தந்தை – மகன் இருவரும் எதிரெதிர் அணிகளில் நிற்கும் ‘Yash vs Yash’ மோதல் டிரெய்லரின் முக்கிய சிறப்பம்சமாக அமைந்துள்ளது.

நயன்தாரா, கியாரா அத்வானி, தாரா சுதாரியா, ருக்மிணி வசந்த் மற்றும் ஹுமா குரேஷி ஆகியோரின் கதாபாத்திரங்களைச் சுற்றியுள்ள உறவுகள் மற்றும் மோதல்களையும் டிரெய்லர் அறிமுகப்படுத்துகிறது. ஒவ்வொரு கதாபாத்திரமும் கதைக்கு தனித்துவமான பரிமாணத்தை வழங்குவது தெளிவாகத் தெரிகிறது.

விருது பெற்ற இயக்குநர் கீது மோகன்தாஸ் இயக்கியுள்ள இப்படம், அவரது தனித்துவமான கதை சொல்லல் மற்றும் காட்சி அணுகுமுறையின் மூலம் இருண்ட, கணிக்க முடியாத உலகத்தை உருவாக்கியுள்ளது. பிரம்மாண்டமான கலை இயக்கம், நேர்த்தியான ஒளிப்பதிவு மற்றும் அதிரடியான காட்சித் தொடர்கள் ஆகியவை ‘டாக்ஸிக்’ படத்தின் மிகப்பெரிய திரை அனுபவத்தை உணர்த்துகின்றன.

ஆங்கிலம் மற்றும் கன்னடம் ஆகிய மொழிகளில் ஒரே நேரத்தில் படமாக்கப்பட்டுள்ள இப்படம், தமிழ், தெலுங்கு, இந்தி மற்றும் மலையாளம் ஆகிய மொழிகளிலும் டப்பிங் செய்யப்பட்டு வெளியாகவுள்ளது.

KVN Productions மற்றும் Monster Mind Creations இணைந்து தயாரித்துள்ள ‘Toxic: A Fairy Tale for Grown-Ups’ திரைப்படம் ஆகஸ்ட் 26, 2026 அன்று உலகம் முழுவதும் திரையரங்குகளில் வெளியாகிறது.