சின்னத்திரையில் களமிறங்கும் நடிகை சமந்தா

உலகம் முழுவதும் கொண்டாடப்படும் MasterChef.. தமிழ் இல்லங்களுக்கும் வருகிறது – Celebrity MasterChef Tamil நிகழ்ச்சியை முன்னெடுக்கும் சமந்தா!

உலகம் முழுவதும் பிரபலமான சமையல் நிகழ்ச்சியான ‘MasterChef’, தற்போது தமிழர்களின் சுவை மற்றும் கலாச்சாரத்தை மையமாகக் கொண்டு புதிய வடிவில் ‘Celebrity MasterChef Tamil’ என்ற பெயரில் உருவாகிறது. நடிகை சமந்தா ரூத் பிரபு முன்னிலையில், தமிழ் திரையுலகம் மற்றும் பொழுதுபோக்கு துறையைச் சேர்ந்த பல பிரபலங்கள் இதில் பங்கேற்க உள்ளனர்.

Sony Pictures Networks India நிறுவனம் ‘Celebrity MasterChef Tamil’ நிகழ்ச்சியை அதிகாரப்பூர்வமாக அறிவித்துள்ளது. Sony VIZHA மற்றும் Sony LIV தளங்களில் விரைவில் ஒளிபரப்பாக உள்ள இந்த நிகழ்ச்சி, உணவு, சுவை, உணர்வு மற்றும் கொண்டாட்டத்தை மையமாகக் கொண்டு உருவாக்கப்பட்டுள்ளது.

Sony VIZHA-வின் முக்கிய பொழுதுபோக்கு நிகழ்ச்சிகளில் ஒன்றாக இது இடம்பெற உள்ளது. மேலும் Sony LIV மற்றும் டிஜிட்டல் தளங்களில் பிரத்யேக குறும்படங்கள் மற்றும் சிறப்பு உள்ளடக்கங்களும் வெளியாக உள்ளன. இதன் மூலம் பிரபலங்களின் சமையல் பயணம், அவர்கள் எதிர்கொள்ளும் சவால்கள் மற்றும் சமையலறையில் நிகழும் சுவாரஸ்யமான தருணங்களை ரசிகர்கள் காணலாம்.

நிகழ்ச்சி குறித்து சமந்தா ரூத் பிரபு கூறுகையில், “இந்த நிகழ்ச்சியை அனைவருடனும் பகிர்ந்து கொள்வதில் மிகவும் மகிழ்ச்சியாக இருக்கிறேன். இதுவரை நான் செய்தவற்றிலிருந்து முற்றிலும் மாறுபட்டதாக ‘Celebrity MasterChef Tamil’ இருக்கிறது. அதுதான் இந்த நிகழ்ச்சியை ஏற்றுக்கொள்ள என்னை மிகவும் ஈர்த்தது.

உணவு என்பது மக்களை ஒன்றிணைக்கும், அழகான நினைவுகளை உருவாக்கும் அற்புதமான சக்தி கொண்டது. மேலும், கேமராக்கள் வழக்கமாக நமக்குக் காட்டாத ஒரு பக்கத்தை வெளிப்படுத்தும் தன்மையும் உணவுக்கு இருக்கிறது.

நமக்குப் பிடித்த தமிழ் பிரபலங்கள் சமையலறைக்குள் வந்து புதிய முயற்சிகளை மேற்கொண்டு, தவறுகளைச் செய்து, தங்களையே ஆச்சரியப்படுத்தி, நாம் எதிர்பார்ப்பதைவிட அதிக ஆர்வத்துடனும் உணர்வுடனும் போட்டியிடுவதைப் பார்க்க ஆவலாக இருக்கிறேன்.

யார் யார் இதில் சமைக்கப் போகிறார்கள் என்பதை இப்போதே சொல்ல வேண்டும் என்று ஆசையாக இருக்கிறது. ஆனால், அதை முன்கூட்டியே சொல்லிவிட்டால் சுவாரஸ்யம் குறைந்துவிடும். Sony VIZHA உடன் நாங்கள் என்ன தயாரித்து வைத்திருக்கிறோம் என்பதை அனைவரும் பார்ப்பதற்காக என்னால் காத்திருக்க முடியவில்லை” என தெரிவித்துள்ளார்.

‘Celebrity MasterChef Tamil’ விரைவில் Sony VIZHA மற்றும் Sony LIV-ல் வெளியாக உள்ளது. இதனுடன் டிஜிட்டல் மற்றும் சமூக வலைதளங்களில் பிரத்யேக உள்ளடக்கங்களும் வெளியாகும் என அறிவிக்கப்பட்டுள்ளது.

தமிழ் கலாச்சாரம், கதைசொல்லல், இசை, உணவு, திருவிழாக்கள் மற்றும் அன்றாட வாழ்க்கையை கொண்டாடும் வகையில் Sony VIZHA உருவாக்கப்பட்டுள்ளது. ‘விழா’ என்ற தமிழ் சொல்லின் கொண்டாட்ட உணர்வை அடிப்படையாகக் கொண்டு, அசல் நிகழ்ச்சிகள், ரியாலிட்டி நிகழ்ச்சிகள், திரைப்படங்கள் மற்றும் உலகளாவிய பொழுதுபோக்கு நிகழ்ச்சிகளை தமிழ் ரசிகர்களுக்காக வழங்குகிறது.

‘Celebrity MasterChef Tamil’ மற்றும் ‘Tamil Idol’ போன்ற நிகழ்ச்சிகள் மூலம், தமிழ் கலாச்சாரத்துடன் இணைந்த புதிய தலைமுறை ரசிகர்களுக்கு தரமான மற்றும் வித்தியாசமான பொழுதுபோக்கை வழங்க Sony VIZHA திட்டமிட்டுள்ளது.