அப்போ அஜித் இப்போ திரிஷா என விடா முயற்சி படத்தில் அடுத்தடுத்து பிரச்சனைகள் உருவாகி வருகின்றன.
தமிழ் சினிமாவில் முன்னணி நடிகராக வலம் வருபவர் அஜித்குமார். இவரது நடிப்பில் தற்போது விடாமுயற்சி என்ற திரைப்படம் உருவாகி வருகிறது. இந்த திரைப்படத்தை மகிழ் திருமேனி இயக்கி வருகிறார்.
லைக்கா நிறுவனத்தின் தயாரிப்பில் உருவாகி வரும் இந்த படத்தில் அஜித்துக்கு ஜோடியாக திரிஷா நடிக்க அர்ஜுன் உள்ளிட்டோர் முக்கிய கதாபாத்திரங்களில் நடித்து வருகின்றனர்.
ஆரம்பத்தில் இந்த படத்தில் அஜித்துக்கும் இயக்குனர் மகிழ் திருமேனிக்கும் இடையே கருத்து மோதல் ஏற்பட்டதாக தகவல் வெளியானது. இதைத்தொடர்ந்து அர்ஜுனுக்கும் இயக்குனருக்கும் உரசல் என தகவல் பரவியது.
இந்த நிலையில் தற்போது திரிஷாவுக்கும் இயக்குனருக்கும் இடையே மோதல் என தகவல் ஒன்று பரவி வருகிறது. இது எந்த அளவிற்கு உண்மை என தெரியவில்லை. இருந்தாலும் இது போன்ற தகவல்கள் சமூக வலைதளங்களில் வைரலாகி வருகின்றன.
