‘டூரிஸ்ட் ஃபேமிலி’ இயக்குநர் அபிஷன் தனது காதலியை இன்று மணந்தார்..

சசிகுமார்-சிம்ரன் கணவன் மனைவியாக நடித்து வெளியான ‘டூரிஸ்ட் ஃபேமிலி’ படம் வரவேற்பு பெற்று வசூலையும் குவித்தது. இப்படத்தை அறிமுக இயக்குநர் அபிஷன் ஜீவிந்த் இயக்கியிருந்தார்.

இப்படத்தின் இசை வெளியீட்டு விழாவில் அபிஷன், அனைவரது முன்னிலையிலும் தனது காதலை வெளிப்படுத்தினார். அதற்கு காதலியும் வெட்கப்பட்டார். திருமண நிகழ்வும் உறுதி செய்யப்பட்டது.

அவ்வகையில், டூரிஸ்ட் ஃபேமிலி’ படத்தின் வெற்றியின் மூலம் அனைவரது கவனத்தையும் ஈர்த்த இளம் இயக்குநர் அபிஷன் ஜீவிந்த், அவரது காதலி அகிலாவை கரம் பிடித்துள்ளார். இவர்களது திருமணம் இன்று அக்டோபர் 31-ந்தேதி சென்னை போயஸ் கார்டனில் கோலாகலமாக நடைபெற்றது. இதில் இரு வீட்டார், உறவினர்கள், திரையுலகப் பிரபலங்கள் கலந்துகொண்டு மணமக்களை வாழ்த்தினர்.

முன்னதாக, நேற்று க்ரீன் பார்க் ஸ்டார் ஹோட்டலில் நடைபெற்ற திருமண வரவேற்பு நிகழ்ச்சியில், நடிகர்கள் சசிகுமார், சிவகார்த்திகேயன், எம்.எஸ்.பாஸ்கர், ரமேஷ் திலக், நடிகைகள் சிம்ரன், அனஸ்வரா விஜயன், தயாரிப்பாளர்கள் 2டி எண்டர்டெயின்மெண்ட் ராஜசேகர் கற்பூர சுந்தரபாண்டியன், சௌந்தர்யா ரஜினிகாந்த்,

மகேஷ் ராஜ் பசிலியான், அருண் விஷ்வா, ஷினீஷ், இயக்குநர்கள் ‘பூ’ சசி, ரஞ்சித் ஜெயக்கொடி, ‘லவ் மேரேஜ்’- சண்முகப்பிரியன், ‘லவ்வர்’-பிரபு ராம் வியாஸ் இசையமைப்பாளர் ஷான் ரோல்டன், பாடலாசிரியர் மோகன்ராஜ், விநியோகஸ்தர் விர்தூஷ், எடிட்டர் பரத் ராம், திங் மியூசிக் சந்தோஷ், ஜியோ ஹாட்ஸ்டார் சபரி உள்ளிட்டோர் கலந்துகொண்டு மணமக்களை வாழ்த்தினர். இயக்குநரான அபிஷன் ஜீவிந்த் தற்போது ஹீரோவாகவும் ஒரு படத்தில் நடித்து முடித்துள்ளார். இப்படம் விரைவில் வெளியாகவுள்ளது.