ராஜா ராணி 2 ரியா விஸ்வநாதன் நடிக்கும் புதிய சீரியல் ப்ரோமோ வீடியோ வெளியாகி உள்ளது.
தமிழ் சின்னத்திரையில் விஜய் டிவியில் ஒளிபரப்பான ராஜா ராணி 2 சீரியலில் சந்தியாவாக நடித்து ரசிகர்கள் மத்தியில் அறிமுகமானவர் ரியா விஸ்வநாதன்.
திடீரென இவர் இந்த சீரியலில் இருந்து வெளியேறிய நிலையில் ஜீ தமிழ் தொலைக்காட்சியில் ஒளிபரப்பாக உள்ள சண்டைக்கோழி என பெயரிடப்பட்டுள்ள சீரியலில் நடிக்க இருப்பதாக தகவல்கள் வெளியாகின.
மேலும் அவருக்கு ஜோடியாக புதுப்புது அர்த்தங்கள் சீரியல் புகழ் நியாஸ் நடிக்க இருப்பதாகவும் தகவல் பரவியது. இந்த நிலையில் இதனை உறுதி செய்யும் விதமாக ப்ரோமோ வீடியோ வெளியாகி உள்ளது.
பணக்கார குடும்பத்தை சேர்ந்த சிடுமூஞ்சி பையன் விக்ரம் ( நியாஸ் ) நடுத்தர குடும்பத்தை சேர்ந்த ஜாலியான பொண்ணு மகா ( ரியா ) ஆகியோரின் முதல் சந்திப்பே மோதலில் தொடங்குகிறது.
அதாவது, இருவரும் ஒரு பஸ் ஸ்டாப்பிற்கு வர அந்த சமயம் மழை வர மகா மழையில் ஆட்டம் போட்டு தனது துப்பட்டாவை தூக்கி வீச அது விக்ரம் முகத்தில் போய் விழுகிறது. இதனால் அவன் ஹேய் லூசாடி நீ, துப்பட்டாவை முகத்துலயா வீசுவ என கோபப்பட மகா யார் லூசு? நீ லூசு, உன் அப்பா லூசு, உன் அம்மா லூசு, உன் தங்கச்சி லூசு என திட்டிக்கிட்டே போக விக்ரம் என் அம்மா லூசா என சண்டையிட அடுத்த ஷாட்டில் இருவரும் மணக்கோலத்தில் உட்கார்ந்திருக்கின்றனர்.
சண்டைக்கோழிகளாக இருந்த இவர்கள் திருமண பந்தத்தில் இணைந்தது எப்படி? இனி இவர்கள் வாழ்க்கையில் நடக்க போவது என்ன என்பது தான் இந்த சீரியலின் கதைக்களமாக இருக்கும் என எதிர்பார்க்கப்படுகிறது.
மேலும் இந்த சீரியல் வரும் மே 8-ம் தேதி முதல் ஒளிபரப்பாகும் எனவும் அறிவிக்கப்பட்டுள்ளது. சீரியல் ஒளிபரப்பு நேரம் பற்றிய தகவல் விரைவில் வெளியாகும் என எதிர்பார்க்கப்படுகிறது.
