காதலனை கட்டி அணைத்து போட்டோக்களை வெளியிட்டுள்ளார் நடிகை மஞ்சிமா மோகன்.
தமிழ் சினிமாவில் பிரபல நடிகையாக வலம் வருபவர் மஞ்சிமா மோகன். தமிழ், தெலுங்கு, மலையாள படங்களில் நடித்து வரும் இவர் தேவராட்டம் உள்ளிட்ட படங்களில் நடிகர் கௌதம் கார்த்தியுடன் இணைந்து நடித்தார்.
இந்த படத்தில் இணைந்து நடித்ததன் மூலம் கௌதம் கார்த்தி மற்றும் மஞ்சிமா மோகன் இடையே காதல் மலர்ந்தது. இருவரும் காதலித்து வருவதாக தொடர்ந்து சமூக வலைதளங்களில் கிசுகிசுக்கப்பட்டு வந்த நிலையில் இருவரும் பதில் ஏதும் சொல்லாமல் அமைதி காத்து வந்தனர்.
இந்த நிலையில் சமீபத்தில் கௌதம் கார்த்திக் மஞ்சிமாவுடன் இருக்கும் புகைப்படங்களை வெளியிட்டு காதலை உறுதிப்படுத்தினார். இந்த நிலையில் தற்போது மஞ்சிமா மோகன் தன்னுடைய இன்ஸ்டாகிராம் பக்கத்தில் கௌதம் கார்த்திக்கை கட்டி அணைத்தபடி இருக்கும் போட்டோக்களை வெளியிட்டு காதலை உறுதி செய்துள்ளார்.
இவர் வெளியிட்டுள்ள புகைப்படங்கள் இணையத்தில் வைரலாகி வருகின்றன. மேலும் இருவருக்கும் வெகு விரைவில் திருமணம் நடக்க இருப்பதாக தகவல்கள் வெளிவந்துள்ளன.