ஜோதிகா, சோனாக்‌ஷி சின்ஹா நடித்த சிஸ்டம் டிரைலர்!

ப்ரைம் வீடியோ வழங்கும் புதிய ப்ரைம் ஒரிஜினல் திரைப்படமான “சிஸ்டம்” படத்தின் அதிரடியான டிரெய்லர் வெளியாகி ரசிகர்களிடையே பெரும் எதிர்பார்ப்பை ஏற்படுத்தியுள்ளது. அதிகாரம், நீதிமுறை, சமூக சமத்துவமின்மை மற்றும் உண்மைக்கான போராட்டத்தை மையமாகக் கொண்டு உருவாகியுள்ள இந்த நீதிமன்ற த்ரில்லர் திரைப்படம், வரும் மே 22ஆம் தேதி உலகம் முழுவதும் வெளியாக உள்ளது.

Prime Video தயாரிப்பில் உருவாகியுள்ள இப்படத்தை இயக்குநர் Ashwiny Iyer Tiwari இயக்கியுள்ளார். பம்மி பவேஜா, ஹர்மன் பவேஜா மற்றும் ஸ்மிதா பாலிகா ஆகியோர் Baweja Studios நிறுவனத்தின் கீழ் தயாரித்துள்ளனர். ஹர்மன் பவேஜா, அருண் சுகுமார், அஸ்வினி ஐயர் திவாரி, தஸ்னீம் லோகண்ட்வாலா மற்றும் அக்ஷத் கில்தியல் ஆகியோர் இணைந்து திரைக்கதை எழுதியுள்ளனர்.

இப்படத்தில் Sonakshi Sinha, Jyothika மற்றும் Ashutosh Gowariker ஆகியோர் முக்கிய கதாபாத்திரங்களில் நடித்துள்ளனர். இவர்களுடன் ப்ரீத்தி அகர்வால், ஆதிநாத் கோத்தாரே, ஆஷ்ரியா மிஷ்ரா, கவுரவ் பாண்டே மற்றும் சயந்தீப் குப்தா உள்ளிட்ட பலரும் முக்கிய வேடங்களில் நடித்துள்ளனர்.

வெளியான டிரெய்லரில், நேகா என்ற இளம் அரசு வழக்கறிஞராக சோனாக்‌ஷி சின்ஹா அறிமுகமாகிறார். தனது தந்தையும் மூத்த வழக்கறிஞருமான கதாபாத்திரத்தின் முன்னிலையில் தனது திறமையை நிரூபிக்க வேண்டிய சூழலில் அவர் போராடுகிறார். அதற்காக சரிகா என்ற நீதிமன்ற ஸ்டெனோகிராஃபரை ஜோதிகா தனது அணியில் இணைத்துக் கொள்கிறார். ஆனால், சரிகாவுக்கும் தனிப்பட்ட நோக்கங்கள் இருப்பது பின்னர் வெளிப்படுகிறது.

நீதிமன்றத்தில் நடைபெறும் கடுமையான மோதல்கள், அதிகாரத்தின் அழுத்தம், சிக்கலான உறவுகள் மற்றும் உணர்ச்சி மிகுந்த தருணங்கள் டிரெய்லரில் வேகமாக நகர்கின்றன. “பணக்காரர்களின் சத்தத்தில் ஏழைகளின் குரல் காணாமல் போய்விடுகிறது” போன்ற தாக்கம் மிக்க வசனங்கள் படத்தின் மைய கருத்தை வலுப்படுத்துகின்றன.

“அதிகாரம் உண்மையை விட வலிமையானதாக இருக்கும் ஒரு அமைப்பில், நீதி இன்னும் உயிருடன் இருக்கிறதா?” என்ற கேள்வியை படம் முன்வைக்கிறது. பேராசை, பழிவாங்குதல், ஒழுக்கநெறி மற்றும் நீதிக்கான போராட்டம் ஆகிய கருக்களை மையமாகக் கொண்டு உருவாகியுள்ள “சிஸ்டம்”, சமூகத்தின் பல அடுக்குகளையும் வெளிச்சமிட்டுக் காட்டும் வகையில் உருவாகியுள்ளது.

இப்படம் குறித்து இயக்குநர் அஸ்வினி ஐயர் திவாரி கூறுகையில், “உண்மைத்தன்மையுடன் உருவாக்கப்பட்ட இந்த படம், மக்களை வெறும் பொழுதுபோக்கைத் தாண்டி சிந்திக்க வைக்கும்” என்றார்.

அதேபோல், “இந்த படம் சாதாரண நீதிமன்ற நாடகம் அல்ல; சமூகத்தில் நீதியும் அதிகாரமும் எவ்வாறு பிரிக்கப்பட்டிருக்கின்றன என்பதை பிரதிபலிக்கிறது” என்று சோனாக்‌ஷி சின்ஹா தெரிவித்தார்.

ஜோதிகா கூறுகையில், “சமத்துவமின்மை மற்றும் அதிகாரம் ஒன்றாக வாழும் நவீன இந்தியாவை இந்த படம் பேசுகிறது. உலகம் முழுவதும் உள்ள பார்வையாளர்களை இது சென்றடையும் என்பதில் மகிழ்ச்சி அடைகிறேன்” என்றார்.

“சிஸ்டம்” திரைப்படம் வரும் மே 22ஆம் தேதி இந்தியாவைத் தொடர்ந்து உலகம் முழுவதும் 240-க்கும் மேற்பட்ட நாடுகள் மற்றும் பிராந்தியங்களில் பிரத்யேகமாக ப்ரைம் வீடியோவில் வெளியாகிறது.