தளபதி 67 படத்தில் விஜய்யின் கேரக்டர் குறித்து வெளியான தகவல் ரசிகர்களை வியக்க வைத்துள்ளது.
தென்னிந்திய சினிமாவின் சூப்பர் ஸ்டாராக வலம் வருபவர் தளபதி விஜய். இவரது நடிப்பில் வெளியாகி ரசிகர்கள் மத்தியில் கலவையான வரவேற்பை பெற்ற பீஸ்ட் படத்தைத் தொடர்ந்து தற்போது வம்சி இயக்கத்தில் உருவாகிவரும் தளபதி 66 படத்தில் நடித்து வருகிறார்.
விஜய்யுடன் ராஷ்மிகா மந்தனா ஜோடி போட்டு நடித்து வரும் இந்த படத்தின் ஃபர்ஸ்ட் லுக் போஸ்டர் விஜய்யின் பிறந்தநாள் பரிசாக வரும் ஜூன் 21-ஆம் தேதி மாலை 6 மணிக்கு வெளியாகிறது.
இந்த படத்தை தொடர்ந்து விஜய் அடுத்ததாக லோகேஷ் கனகராஜ் இயக்கத்தில் உருவாக உள்ள தளபதி 67 படத்தில் நடிக்க உள்ளார். இது குறித்த அதிகாரப்பூர்வ அறிவிப்பும் விஜய்யின் பிறந்தநாளில் வெளியாகலாம் என எதிர்பார்க்கப்படுகிறது.
இந்த நிலையில் தற்போது இந்த படம் ஒரு கேங்க்ஸ்டர் திரைப்படமாக உருவாக இருப்பதாகவும் இதில் விஜய் தன்னுடைய நிஜ வயது கதாபாத்திரத்தில் நடிக்கவிருப்பதாகவும் தகவல்கள் வெளியாகியுள்ளன. அதாவது 48 வயது நபராக நடிக்கவிருப்பதாக சொல்லப்படுகிறது.
