வரலட்சுமி சரத்குமார் இயக்குநராகும் ‘சரஸ்வதி’ பட அப்டேட்ஸ்..

நடிகை வரலட்சுமி சரத்குமார், தனது சகோதரி பூஜா சரத்குமாருடன் இணைந்து தோசா டைரீஸ் என்ற தயாரிப்பு நிறுவனத்தைத் தொடங்கியுள்ளார். இதன் மூலம் ‘சரஸ்வதி’ என்ற படத்தை தயாரிக்கின்றனர்.

இப்படம் மூலம் இயக்குநராகும் வரலட்சுமி சரத்குமார், முதன்மை கதாபாத்திரத்தில் நடிக்கிறார் பிரகாஷ் ராஜ், பிரியா மணி, நவீன் சந்திரா ஆகியோர் முக்கிய வேடங்களில் நடிக்கின்றனர். தமன் இசையமைக்கிறார். எட்வின் சகாய் ஒளிப்பதிவு செய்கிறார். தமிழ், தெலுங்கு, இந்தி உள்பட 5 மொழிகளில் இப்படம் வெளியாக இருக்கிறது.

இந்நிலையில் இப்படத்தின் முதல் பார்வையை வரலட்சுமி சரத்குமார் வெளியிட்டு இருக்கிறார். நாயகிக்கு முக்கியத்துவம் கொடுத்து உருவாகும் இப்படத்தின் முதல் தோற்றம் வரவேற்பைப் பெற்றுள்ளது.

முன்னதாக, வனிதா விஜயகுமார் மிஸ்டர் அன்ட் மிஸஸ் என்ற படத்தை தயாரித்தார். சமீபத்தில் வெளியாகி வரவேற்பு பெற்று வரும் ‘வித் லவ்’ என்ற படத்தை சவுந்தர்யா ரஜினிகாந்த் தயாரித்துள்ளார்.