நடிகை சைத்ரா ரெட்டி தனது பிறந்தநாள் கொண்டாட்டத்தின் வீடியோவை சமூக வலைதள பக்கத்தில் பதிவிட்டு இருக்கிறார்.
சின்னத்திரையில் பிரபல முன்னணி நடிகைகளில் ஒருவராக வலம் வருபவர் சைத்ரா ரெட்டி. ஜீ தமிழில் ஒளிபரப்பான யாரடி நீ மோகினி தொடரில் வில்லியாக நடித்து அனைவருக்கும் பரிச்சயமான இவர் தற்போது சன் தொலைக்காட்சியில் நம்பர் 1 இடத்தை பிடித்திருக்கும் கயல் தொடரில் கயல் என்னும் ஹீரோயின் ரோலில் நடித்து வருகிறார்.
தற்போது ஏராளமான ரசிகர்கள் மனதில் நீங்கா இடம் பிடித்திருக்கும் சைத்ராவுக்கு அவரது குடும்பத்தினரும் நண்பர்களும் இணைந்து சர்ப்ரைஸ் கொடுத்து அவரது பிறந்த நாளை கொண்டாடியுள்ளனர். அந்த அழகான மகிழ்ச்சியான தருணத்தின் வீடியோவை நடிகை சைத்ரா தனது சமூக வலைதள பக்கத்தில் பதிவிட்டு “தனது 28 வது பிறந்த நாளை ஸ்பெஷல் ஆக மாற்றிய அனைவருக்கும் நன்றி” என தெரிவித்து பதிவிட்டு இருக்கிறார். அந்த வீடியோவை பார்த்த ரசிகர்கள் சைத்ராவுக்கு பிறந்தநாள் வாழ்த்துக்கள் தெரிவித்து வருகின்றனர்.
