தமன்னாவை பின் தொடர்கிறார் என் கணவர்: நடிகை ரம்பா சிணுங்கல்..

இணையத்தில் யார் யாரை பின் தொடர்ந்தால் என்ன? தற்போது, இல்லறத்தில் யார் யாரை பின் தொடர்கிறார் என உணர்ந்தால் என்றும் இனிக்கும் நல்லறமே.! அதாவது, நடிகை ரம்பா மேட்டர் இப்டி..

பெயருக்கேற்ப பேரழகி நடிகை ரம்பாவை ரசிகர்களால் மறக்க முடியுமா? நடிப்பிலும், நடனத்திலும் வசீகரித்த நங்கையல்லவா.

அவர், இப்போது என்ன செய்கிறார்? சினிமாவிலிருந்து விலகி குடும்ப வாழ்க்கையில் பிஸியாக இருக்கிறார். இந்த நிலையில், தனது தனிப்பட்ட விஷயத்தைப் பகிர்ந்துள்ளார். அவர் கூறியிருப்பதாவது:

‘சமூக ஊடகங்களில் தனது கணவரைப் பின்தொடர்வதில்லை. ஏன் என்று தொகுப்பாளர் கேட்டதற்கு, அதற்கு தமன்னா பெயரைச் சொல்லியுள்ளார்.

ரம்பாவின் கணவர், சமூக ஊடகங்களில் கணக்கைத் தொடங்கிய நேரத்தில் ரம்பா, தன்னை முதலில் பின்தொடர்ந்து வருமாறு கூறியுள்ளார்.

ஆனால், அவரது கணவர், ரம்பாவை விட்டுவிட்டு, பால் அழகி தமன்னா பாட்டியாவைப் பின்தொடர்ந்துள்ளார். இதனால், ரம்பாவிற்கு சிறிது வருத்தம் ஏற்பட்டுள்ளது. அதனால்தான் இன்றும் ரம்பா தனது கணவரின் சமூக ஊடகக் கணக்கைப் பின்தொடர்வதில்லை.

நான் உங்களை முதலில் பின்தொடர்ந்து வருகிறேன். அதேபோல், நீங்களும் என்னைப் பின்தொடர்ந்து வாருங்கள் என்று ரம்பா கூறியுள்ளார். ஆனால், கணவர் பேச்சைக் கேட்கவில்லை. அதனால் இன்ஸ்டாகிராமில் என் கணவரை நான் பின்தொடர்வதில்லை.

உங்களுக்கு தமன்னா பிடிக்கவில்லையா என்று ரம்பா கூறி, மக்கள் தவறாக எண்ணக்கூடும் என்று தனது பேச்சைத் திருத்திக் கொண்டுள்ளார்.

தமன்னாவைப் பின்தொடர வேண்டாம் என்று நான் சொல்லவில்லை. எனக்கு அதனால் மகிழ்ச்சிதான். ஆனால், மனைவியாக எனக்கு முதல் முன்னுரிமை கொடுக்க வேண்டாமா என்று கூறியுள்ளார். ரம்பாவின் கணவர், ரம்பாவின் இன்ஸ்டாவில் பின்தொடர்ந்து வருகிறார்

ரம்பாவின் பேச்சைக் கேட்ட பயனர்கள், பல கருத்துகளைத் தெரிவித்துள்ளனர். பல பெண்கள் நாங்களும் எங்கள் கணவர் கணக்கைப் பின்தொடர்வதில்லை என்று கூறியுள்ளனர்.

நேசிக்கும் மற்றும் சிறிது உணர்ச்சிவசப்படும் ஆண் அல்லது பெண் தங்கள் துணையின் முன்னுரிமையாக இருக்க விரும்புகிறார்கள். இதை எதிர்பார்ப்பதில் எந்தத் தவறும் இல்லை. அப்படி என்று மற்றவர்களை மாற்ற முடியாது. உங்களை நாங்கள் பாராட்டுகிறோம். உங்களை நாங்கள் பின்தொடர்ந்து வருகிறோம் என்று சில ரசிகர்கள் கூறியுள்ளனர்.

ரம்பா கன்னடம், தெலுங்கு, தமிழ் உள்ளிட்ட மொழிகளில் 100-க்கும் மேற்பட்ட திரைப்படங்களில் நடித்துள்ளார். 2010ஆம் ஆண்டு கனடாவைச் சேர்ந்த தொழிலதிபர் இந்திரகுமார் பத்மநாதனை மணந்தார். அவர்களுக்கு மூன்று குழந்தைகள். தற்போது குடும்ப வாழ்க்கையை ரம்பா மகிழ்ச்சியாக அனுபவித்து வருகிறார்.

அவ்வகையில், இணையதளத்தில் இவ்வாறு நிகழ்வதெல்லாம் செல்லச் செல்ல சண்டைகள் மாதிரி. ஊடல் தானே, கூடலுக்கு இன்பம் பயக்கும்.! நடக்கட்டும், நடக்கட்டும்.!