கமலின் விக்ரம் படத்தை பின்னுக்கு தள்ளிய அமரன்..முழு விவரம் இதோ..!

கமலின் விக்ரம் படத்தை பின்னுக்கு தள்ளியுள்ளது அமரன் திரைப்படம்.

தமிழ் சினிமாவில் முன்னணி நடிகர்களில் ஒருவராக வலம் வருபவர் சிவகார்த்திகேயன். இவரது நடிப்பில் தீபாவளியன்று அமரன் என்ற திரைப்படம் வெளியானது.

ராஜ்குமார் பெரியசாமி இயக்கத்திலும், ராஜ்கமல் பிலிம்ஸ் நிறுவனம் தயாரிப்பிலும் உருவாகியுள்ள இந்த படத்திற்கு ஜிவி பிரகாஷ் இசையமைத்துள்ளார். மறைந்த மேஜர் முகுந்து வரதராஜன் அவர்களின் வாழ்க்கை வரலாற்று கதையை மையமாக வைத்து இந்த திரைப்படம் எடுக்கப்பட்டது குறிப்பிடத்தக்கது. இந்தப் படத்தின் இறுதி காட்சிகள் பார்ப்பவரின் கண்களை குளமாக்கியது.

ரசிகர்கள் முதல் பிரபலங்கள் பொதுமக்கள் என அனைவராலும் கவரப்பட்டு மிகப்பெரிய வெற்றியை அடைந்துள்ளது. பிளாக்பஸ்டர் ஹிட் கொடுத்த இந்த திரைப்படம் தொடர்ந்து வசூலிலும் மிரட்டி வருகிறது.

உலக அளவில் இந்த திரைப்படம் 330 கோடியை தாண்டி வசூல் செய்து வருகிறது.இந்நிலையில் கமல் நடிப்பில் வெளியான விக்ரம் திரைப்படம் வெளிநாடுகளில் 101 கோடி வசூலை குவித்த நிலையில்,அமரன் வெளிநாடுகளில் 105 கோடி வசூல் செய்து விக்ரம் சாதனையை முறியடித்தது.இந்த தகவல் இணையத்தில் வெளியாகி வைரலாகி வருகிறது.