நயன்தாரா – கவின் நடிப்பில் ‘ஹாய்’ திரைப்படத்தின் டிரெய்லர் வெளியானது!

நயன்தாரா மற்றும் கவின் முதன்முறையாக இணைந்து நடித்துள்ள ‘ஹாய்’ திரைப்படத்தின் டிரெய்லர் வெளியாகி ரசிகர்களிடம் நல்ல வரவேற்பைப் பெற்று வருகிறது.

அறிமுக இயக்குநர் விஷ்ணு எடவன் இயக்கியுள்ள இப்படம் காதல், ரொமான்ஸ், நகைச்சுவை, டிராமா உள்ளிட்ட அம்சங்கள் நிறைந்த ரோம்-காம் படமாக உருவாகியுள்ளது. குடும்பத்துடன் ரசிக்கும் வகையில் உருவாகியுள்ள இப்படத்தின் கதைக்களம், காதல் மற்றும் நகைச்சுவை கலந்த சுவாரஸ்யமான பயணத்தை மையமாகக் கொண்டுள்ளது.

திருமணம் ஆகாமல் தவிக்கும் இளைஞராக கவின் நடித்துள்ளார். பல்வேறு களேபரங்களுக்கு மத்தியில் நயன்தாராவை கரம் பிடித்து, அவரை காதலிக்க வைக்க அவர் மேற்கொள்ளும் முயற்சிகள் டிரெய்லரில் இடம்பெற்றுள்ளன. இருவருக்கும் இடையேயான காதல் காட்சிகள், நகைச்சுவை மற்றும் உணர்வுப்பூர்வமான தருணங்கள் ரசிகர்களின் கவனத்தை ஈர்த்துள்ளன.

மேலும், கே. பாக்யராஜ், பிரபு, ராதிகா சரத்குமார், விடிவி கணேஷ், சத்யன், ‘ஆதித்யா’ கதிர், குரேஷி உள்ளிட்டோர் முக்கிய கதாபாத்திரங்களில் நடித்துள்ளனர். குறிப்பாக, நயன்தாரா – கவின் ஜோடியின் கெமிஸ்ட்ரி டிரெய்லரில் பேசுபொருளாகியுள்ளது.

ராஜேஷ் சுக்லா ஒளிப்பதிவு செய்துள்ள இப்படத்திற்கு ஜென் மார்ட்டின் இசையமைத்துள்ளார். படத்தொகுப்பை பிலோமின் ராஜ் மேற்கொண்டுள்ளார். கலை இயக்கத்தை எஸ். கண்ணன் கவனித்துள்ளார்.

ஜீ ஸ்டுடியோஸ், தி ரவுடி பிக்சர்ஸ் மற்றும் செவன் ஸ்கிரீன் ஸ்டுடியோ சார்பில் நயன்தாரா, விக்னேஷ் சிவன் மற்றும் எஸ். எஸ். லலித்குமார் இணைந்து தயாரித்துள்ளனர்.

இப்படத்தின் முதல் பாடல் ஏற்கனவே வெளியாகி மில்லியன் கணக்கான பார்வைகளைப் பெற்றுள்ள நிலையில், தற்போது வெளியாகியுள்ள டிரெய்லர் படத்தின் மீதான எதிர்பார்ப்பை மேலும் அதிகரித்துள்ளது.

புதிய வெளியீட்டு அறிவிப்பின்படி, ‘ஹாய்’ திரைப்படம் ஆகஸ்ட் 28, 2026 அன்று உலகம் முழுவதும் திரையரங்குகளில் வெளியாகிறது.