லியோ திரைப்படத்தின் லேட்டஸ்ட் தகவல் வைரலாகி வருகிறது.
தமிழ் சினிமாவில் மாபெரும் எதிர்பார்ப்புகளுக்கு மத்தியில் உருவாகி வரும் திரைப்படங்களில் ஒன்றாக இடம்பெற்றிருக்கும் திரைப்படம் லியோ. லோகேஷ் கனகராஜ் இயக்கத்தில் தளபதி விஜய் நடிப்பில் உருவாகி வரும் இப்படத்தில் திரிஷா, பிரியா ஆனந்த், அர்ஜுன், சஞ்சய் தத், மன்சூர் அலிகான், கௌதம் மேனன், மிஷ்கின், சாண்டி மாஸ்டர் உள்ளிட்ட பல முன்னணி நட்சத்திரங்கள் முக்கியமான கதாபாத்திரத்தில் நடித்து வருகின்றனர்.
காஷ்மீரை தொடர்ந்து தற்போது சென்னையில் இப்படத்திற்கான படப்பிடிப்பு பணிகள் தீவிரமாக நடைபெற்று வரும் நிலையில் புது அப்டேட்டாக இப்படத்தின் படப்பிடிப்பு இறுதி கட்டத்தை எட்டி இருப்பதாகவும் சென்னையில் படப்பிடிப்பு நிறைவடைந்த உடன் படகுழுவினர் அடுத்த கட்ட படப்பிடிப்பிற்காக ஹைதராபாத் செல்ல இருப்பதாகவும் தகவல் வெளியாகி உள்ளது . மேலும் இப்படத்தில் இடம் பெற்றிருக்கும் பாடல் காட்சிகளுக்கான படப்பிடிப்பை வெளிநாட்டில் எடுக்க படக்குழு திட்டமிட்டு இருப்பதாகவும் கூறப்படுகிறது.
