பிரியமான தோழி சீரியலின் கடைசி நாள் சூட்டிங் இன்று நடைபெற்று வருகிறது.
தமிழ் சின்னத்திரையில் சீரியலுக்கு பெயர் போன நம்பர் ஒன் சேனல் சன் டிவி. காலை முதல் இரவு வரை இந்த தொலைக்காட்சி சேனலில் ஒளிபரப்பாகி வரும் ஒவ்வொரு சீரியலுக்கும் தனித்தனியான ரசிகர் பட்டாளம் இருந்து வருகிறது.
கிராமப்புற மக்களின் பெரிய பொழுது போக்காக சீரியல்கள் தான் இருந்து வருகின்றன. சன் டிவி சேனலில் தொடர்ந்து புதிய புதிய சீரியல்களை களத்தில் இறக்கி வருகிறது. விரைவில் மல்லி என்ற சீரியல் ஒளிபரப்பாக உள்ள நிலையில் மேலும் ஒரு புதிய சீரியலில் புரோமோ வீடியோ வெளியாகியிருந்தது.
இதைத்தொடர்ந்து கலாட்டா கல்யாணம் என்ற பெயரில் இன்னொரு சீரியல் ஒளிபரப்பாக உள்ளது. மதிய வேளையில் ஒளிபரப்பாகி வரும் பிரியமான தோழி சீரியலுக்கு மாற்றாக இந்த சீரியல் ஒளிபரப்பாக உள்ள நிலையில் தற்போது பிரியமான தோழி சீரியல் கிளைமாக்ஸை நெருங்கி வருகிறது.
இந்த சீரியலுக்கான கடைசி நாள் சூட்டிங் தற்போது நடைபெற்று வருவதாக தகவல் வெளியாகி உள்ளது. பிரியமான தோழி ஹீரோதான் கலாட்டா கல்யாணம் சீரியலிலும் ஹீரோவாக நடிக்க உள்ளார் என்பது குறிப்பிடத்தக்கது.